Әһли Бејт -АБНА- хәбәр аҝентлијинин вердији хәбәрә әсасән бу ҝүн Азәрбајҹан Ислам Партијасынын тәшәббүсү илә Елит шадлыг сарајында Гәдир Хум бајрамы мүнасибәтилә тәдбир тәшкил едилиб.
Бајрам тәдбириндә өлкәнин иҹтимаи-сијаси хадимләри, илаһијјатчы алим, руһаниләр иштирак едиб.
Тәдбирдә илк олараг чыхыш едән Азәрбајҹан Ислам Партијасы сәдринин биринҹи мүавини Һаҹы Ингилаб Әһәдли мәҹлис иштиракчыларыны бајрам мүнасибәтилә тәбрик едиб.
Бундан башга тәдбирдә ДЕВАММ сәдри Һаҹы Илгар Ибраһимоғлу, ВИП сәдри Әли Әлијев, АХҸП сәдринин мүавини Рази Нуруллајев, Азәрбајҹан Јашыллар Партијасынын сәдри Мајис Ҝүләлијев, Мүсават башганынын мүавини Ҝүлаға Асланлы, иҹтимаи-сијаси хадим Пәнаһ Һүсејн чыхыш едәрәк бүтүн мүсәлманлары бу бајрам мүнасибәтилә тәбрик етмиш, бу ҹүр бајрамларын өлкә сәвијјәсиндә кечирилмәсинин арзусунда олдугларыны дилә ҝәтирмишләр.
Бајрам мүнасибәтилә дүзәнләнмиш тәдбирдә һәмчинин "Һејдәри-Кәррар" илаһи нәғмәләр групу өз ҝөзәл вә рәнҝарәнҝ сүрудлары илә мәҹлисә хош әһвал-руһијјә бәхш етмишләр.
Азәрбајҹан Ислам Партијасынын тәшкил етдији бу нурани мәҹлис елми-фәлсәфи вә әхлаги-тәрбијјәви маһијјәти етибары илә иштиракчыларын бөјүк разылығына сәбәб олуб.
Диггәт: Хәбәрдән истифадә етдикдә мәнбәјә истинад лазымдыр
