Әһли Бејт -АБНА- хәбәр аҝентлијинин вердији хәбәрә әсасән Америка рәсмиләри, АБШ-ын ән бөјүк банкларына тәшкил едилән кибер һүҹумларында ҝүнаһкарын Иран Ислам Республикасы олдуғуну билдирибләр.
Американын ән бөјүк банкларына гаршы кибер һүҹумларын шиддәт тапдығыны ифадә едән Расһа Тодај хәбәр каналы һадисә илә бағлы вердији хәбәрдә билдириб: "Америка рәсмиләри, Иран Ислам Республикасы һакерләринин бу дәфә АБШ-ын ән бөјүк банкларына һүҹум етдикләрини билдирибләр".
Һәмин мәлумата ҝөрә, АБШ-ын бөјүк малијјә тәшкилатларындан олан "Капитал-1" вә "ББ & Т" банклары ахыр заманлар Вашингтонун сијасәтләринә гаршы даһа да нифрәт едән Иранлы һакерләрин кибер һүҹумларына мәруз галыблар.
Расһа Тодај даһа сонра вердији хәбәриндә билдириб: "Гәссам Кибер Әсҝәрләри" һүҹумларын мәсулијјәтини өһдәсинә ҝөтүрәрәрәк вердикләри месажларында һүҹумларынын мәһз Ислам Пејғәмбәринә -сәлләлаһу әлејһи вә алиһ- гаршы тәһгиредиҹи "Мүсәлманларын Мәсумијјәти" адлы филмин АБШ-да чәкилиб јајылмасына бир ҹаваб олдуғуну гејд едиб.
Диггәт: Хәбәрдән истифадә етдикдә мәнбәјә истинад лазымдыр
