Әһли Бејт -АБНА- хәбәр аҝентлијинин вердији хәбәрә әсасән Русија Федерал Республикасында да анти-Һиҹаб сијасәтләрә старт верилди.
Русијадакы мүхбримиздән алдығымыз мәлумата ҝөрә, бир нечә ҝүн бундан өнҹә Русијанын Ставрапол вилајәти, Кара-Тјубин кәндинин орта мәктәбиндә Һиҹаба јасаг гојулуб. Вә бу сәбәбдән дә һиҹаблы гыз ушаглары мәктәбдә орта тәһсил алмаг һүгугундан мәһрум едилибләр. Гадаға орта мәктәбин мүдирәси Марина Кавченкаја һәјата кечирдиб.
Һадисә илә бағлы Русијанын Авропа бөлҝәсиндәки Мүсәлманларын Дини Идарәсинин мүдир мүавини Дәмир Мүһјиддинов Русија конститусијасына вә һабелә Гурани Кәримә зидд ачыглама верәрәк Русијанын биринҹи канлы ОРТ илә мүсаһибәсиндә дејиб: “Ислам һәдди булуғ олмајан гызлара һиҹаб ҝејинмәји ваҹиб етмәјиб. Әҝәр һиҹаба ҝөрә гыз диггәт мәркәзинә чеврилирсә ону ҝејинмәк мәсләһәт ҝөрүлмүр”.
О, даһа сонра о дејиб: “Һиҹаб бағламаг демәкдир. Бу она ҝөрәдир ки, башга адамлар гадына аз диггәт јетирсинләр. Буна ҝөрә дә әҝәр һиҹаб буна наил олмурса вә инсанлара әкс тәсир ҝөстәрирсә, демәли һиҹаб өз мәгсәдинә чатмајыб”.
“Һиҹабы әрли гадынлар ҝејинир бунунла онлар өз мөвгејләрини ҝөстәрирләр (јәни билиндирир ки, онлар әрдәдирләр). Буна ҝөрәдә биз мүсәлман өлкәләриндә гыз ушгларынын мәктәбләрә башы ачыг ҝетдијини ҝөрүрүк”, - дејә Мүһјиддинов анти-Һиҹаб ачыгламасына давам етди.
Карачајева-Черкесија вилајәтинин тәһсил назири Александр Гурин исә һадисә илә бағлы белә дејиб: “Бизим вилајәт беш әразини әһатә едир. Карачајлар, Шеркесләр, Абазинләр, Нагајлар вә Руслар. Биздә бирмәналы олараг белә шеј (мәктәбә һиҹабла ҝәлмәк) јохдур”.
Русија президентинин Шимали Гафгаз Федерал әјаләтиндәки рәсми нүмајәндәси Александр Хлопонин исә һесаб едир ки, белә һадисәләр тәсадүфи дејил. Бу һадисә өлкәдә валидејин вә ушагларын әли илә динләрарасы мүнагишәни шиддәтләндирмәк үчүн бир ҹәһдир.
Хлопонин даһа сонра дејиб: Биз инсанларын руһани-дини тәһсил һүгугларыны гәбул едән али дүнјави дөвләтик. Бујурун биздә һәр һејрдә дини мәктәбләр вардыр. Бу ҝүнкү ҝүн үчүн Шимали Гафгазда белә мәктәбләр кифајәт гәдәрдир. Һәмин мәктәбләрә ушаглар (Һиҹабла дејил) мүәјјәнләшдирлимиш мәктәбли формасында ҝедә биләрләр”.
О, даһа сонра билдирди ки, Кара-Тјубин мәктәбинин мүдирәси Марина Кавченкаја өз дәстәјини вә јери ҝәлдикдә исә дөвләт тәрәфиндән горунмасыны сөз верир.
Александр Хлопонин даһа сонра мүдирәјә дајаг чыхараг дејиб: Марина Кавчинка бу ишдә доғру һрәкәт едир. Вә үмумијјәтлә она мүәллимләри илә бир јердә сағол демәк лазымдыр. Мәним билдијим гәдәр онлар бу ушаглар илә (јәни синифләрә бурахылмајан һиҹаблы гыз ушаглалары илә) синифдән кәнар евләрдә мәшғул олурлар.
Анти-Һиҹаб јүрүшүндән ҝери галмајан Русија јәһудиәсилли Һүгуг Мүдафиәчиси Лудмила Аликсејива да һәмин мәктәб мүдирәсинин мүдафиәсинә галхдығыны бәјан едиб.
Диггәт: Хәбәрдән истифадә етдикдә мәнбәјә истинад лазымдыр
