Әһли Бејт -АБНА- хәбәр аҝентлијинин вердији хәбәрә әсасән Ираг баш назири Нури әл-Малики билдириб: “АБШ Бағдад илә Русија арасында 4,2 милјард доллар һәҹминдә силаһын алынмасы барәдә мүгавиләнин һәјата кечирилмәсинә мане ола билмәз”.
Ираг баш назири даһа сонра билдириб: “Истәр нефт алаг, истәр силаһ алаг, истәрсә дә садәҹә сијаси мәсләһәтләшмәләримиз олсун – биз бүтүн бу мәсәләләрә ҝөрә һеч кәслә һесаблашмалы дејилик. Бизим хариҹи сијасәтимизин гајәсини бу тәшкил едир ки, биз өз марагларымыздан чыхыш едирик”.
Ҹәнаб Малики даһа сонра әлавә едиб: “Мисал үчүн, бизим Америка илә дә Иран Ислам Республикасы илә дә јахшы мүнасибәтләримиз вар. Лакин, сиз өзүнүз дә билирсиниз ки, онларын арасында зиддијјәтләр вар. Биз силаһ аларкән дә өз тәләбатымыздан чыхыш едирик. Һамы билир ки, биз ачыг сијасәт јүрүдүрүк вә Ирагын киминсә тәсири алтына кечмәсинә имкан вермәјәҹәјик”.
Диггәт: Хәбәрдән истифадә етдикдә мәнбәјә истинад лазымдыр
