Әһли Бејт -АБНА- хәбәр аҝентлијинин вердији хәбәрә әсасән бу ҝүн 3-ҹү "Һиҹаба азадлыг!" етираз аксијасында инанҹлылар тәрәфиндән гәбул едилмиш гәтнамә дә охунуб.
Исламазери.аз Интернет Гәзетинин һадисә јериндә олан хүсуси мүхбири гәтнамәнин мәтнини әлдә едиб.
Һәмин мәтни тәгдим едирик:
"Биз Азәрбајҹан мүсәлманлары олараг, һиҹаб гадағасы проблеми илә бағлы индијә гәдәр ирәли сүрдүјүмүз бүтүн тәләбләри, бундан әввәл кечирдијимиз ики етираз аксијасындакы бәјанатлар вә гәтнамәләрдәки фикирләри бир даһа тәкидлә вурғулајараг;
- Өлкәдә али дәјәрләрә, виҹдан һүрријјәтинә, о ҹүмләдән дини етигада тәҹавүз анламына ҝәлән һиҹабын орта үмумтәһсил мүәссисәләриндәки азадлығына гојулмуш ҝөстәриш вә иҹра характерли гадағаларын вә мәһдудијјәтләрин ләғвини зәрури сајараг тәләб едирик:
1) Дөвләт рәһбәрлији проблеми арадан галдыра биләҹәк ән јүксәк сәвијјәдә мәсәләни тезликлә һәлл етмәк үчүн ән ишләк механизмдән истифадә етсин.
2) Азәрбајҹан Республикас Тәһсил Назирлијинин рәһбәр ишчиләри дә АР Конститусијана вә бејнәлхалг инсан һүгугларына зидд олараг тәтбиг етдији орта үмумтәһсил мәктәбләриндә һиҹаблы шаҝирдләри тәһсилдән мәһрум етмәјә сон гојсун.
3) Орта үмумтәһсил мүәссисәләринин директорларына вә диҝәр рәһбәр ишчиләринә өзбашына шәкилдә һиҹаблы шаҝирдләри тәһсил мүәссисәсинә бурахмамаг, дәрс вахты битмәмиш мәктәбдән чыхарыб евә ҝөндәрмәк, мүәллимләрин, шаҝирдләрин гаршысында вә ја тәкликдә һиҹаблы шаҝирдин өзүнү вә ја валидејнләринин әгидәсини, виҹдан азадлығыны ашағыламаг, шәхсијјәтини алчалтмаг, психоложи тәзјигләрә мәруз гојмаг вә диҝәр бу кими әввәлләр баш вермиш һәр һансы негатив һалларын јашанмамасы үчүчүн ҹидди хәбәрдарлыг едилсин."
Диггәт: Хәбәрдән истифадә етдикдә мәнбәјә истинад лазымдыр
