Әһли Бејт -АБНА- хәбәр аҝентлијинин вердији хәбәрә әсасән дүнән 29 бсентјабр 2012 тарихдә Ҝүрҹүстан Республикасында бејнәлхалг -Илаһи Динләрә еһтирам бәсләмәк- конфрансы кечирилмишдир.
Конфрансда XVII-ҹи Папа Бенедикт-ин нүмајәндәси, Үмүмдүнја Әһли-Бејт (әлејһимус сәлам) Ассамблејасынын нүмајәндәси, Ҝүрҹүстан Шејхул Исламы, Ҝүрҹүстан әһли-Сүннәсинин сәдри, Тифлис дөвләт университетинин мүәллимләри, Ҝүрҹүстан Елмләр Академијасынын деканы, Түркијә Сүнни Елми Һөвзәсинин сәдри, Иран Ислам Республикасынын Ҝүрҹүстандакы Мәдәнијјәт вә Ислами Јөнләндирмә Назирлијинин нүмајәндәси, Тифлисин Имам Ҹүмәси, Ҹамиәтул Мустәфанын (сәлләлаһу әлејһи вә алиһ) Түркијә үзрә нүмајәндә һејәтинин сәдри вә Ҝүрҹүстанын Алу-Бејт Мүәссисәсинин нүмајәндәләри иштирак етмишләр.
Мүхтәлиф дин вә мәзһәб ардыҹылларынын нүмајәндәләри бүтүн Илаһи Динләрә еһтирамла јанашылмағы ваҹиб сајмыш вә инсанлары бир-бириләринә гаршылыглы һөрмәт бәсләмәји төвсијә етмишләр.
Гејд едәк ки, бејналхалг конфранс Ҝүрҹүстан пајтахты Тифлисдә кечирилмишдир.
Диггәт: Хәбәрдән истифадә етдикдә мәнбәјә истинад лазымдыр
