Әһли Бејт -АБНА- хәбәр аҝентлијинин вердији хәбәрә әсасән Ариф Гәнијевин оғлу Рүзҝар Гәнизадә медиаја вердији ачыгламада дејиб: “Азәрбајҹан Ислам Партијасынын сәдр мүавини Ариф Гәнијевин вахтындан әввәл азадлыға бурахылмасына етиразын тәмин едилмәсиндән кассасија шикајәти вериләҹәк”.
2012-ҹи ил ијунун 6-да Ширван Шәһәр Мәһкәмәсинин гәрары илә вахтындан әввәл азадлыға бурахылан Ариф Гәнијев август ајында һеч бир факт олмадан јенидән һәбс олунуб. Республика Прокурорлуғу 6 ијун гәрарындан апеллјасија шикајәти вериб вә Ширван Апеллјасија Мәһкәмәси һәмин шикајәти тәмин едиб. Исламчы Салјандакы 5 сајлы Ҹәзачәкмә Мүәссисәсиндә сахланыр.
Рүзҝар Гәнизадәнин сөзләринә ҝөрә, аилә үзвләри бу ҝүнләрдә Ариф Гәнијевә баш чәкмәк үчүн Салјана ҝедәҹәкләр: “Һазырда атам мүәссисәнин тибб мәнтәгәсиндәдир. Бөјрәкләриндән вә әсәбләриндән мүалиҹә алыр”.
2011-ҹи илин августунда анти-Ислам әлијевләр режими тәрәфиндән тутулан Ариф Гәнијев Ҹинајәт Мәҹәлләсинин 228.1 (ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) вә 234.1-ҹи (сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) маддәләри илә ШӘРЛӘНӘРӘЈ иттиһам олунуб, 1 ил 6 ај мүддәтинә азадлыгдан мәһрум едилиб.
Диггәт: Хәбәрдән истифадә етдикдә мәнбәјә истинад лазымдыр
