Әһли Бејт -АБНА- хәбәр аҝентлијинин вердији хәбәрә әсасән Сәудијјә Әрәбистанында етиразчылар Ислам пејғәмбәринин тәһгир олундуғу филми тәнгид атәшинә тутараг, бу филмин АБШ-ын сифариши илә һазырландығыны билдирибләр.
Әрәбистан КИВ-и хәбәр верир ки, өтән ҝүн Сәудијјә Әрәбистанынын Әл-Әһса мәнтәгәсиндә ириһәҹмли етираз аксијасы кечирилиб. Аксија иштиракчылары Ислам пејғәмбәринин тәһгир олундуғу филми тәнгид атәшинә тутараг, бу филмин АБШ-ын сифариши илә һазырландығыны билдирибләр.
Етиразчылар һәмчинин Ријаздакы АБШ сәфиринин өлкәдән говулмасыны вә Сәудијјә Әрәбистанынын Вашингтондакы сәфиринин ҝери чағырылмасыны тәләб едибләр.
Бундан әлавә "Әт-Тәбиә" шәһәриндә дә әһали күчәләрә ахышараг "Ҹанымыз Пејғәмбәрә фәда олсун" шүарлары илә чиркин филмә етиразларыны билдирибләр.
Гәзәбли нүмајишчиләр мүхтәлиф шүарлар сәсләндирдикдән сонра АБШ вә Исраил бајрагларына од вурублар.
Әлавә едәк ки, өтән ҝүн Гутејф шәһәриндә дә аксијалар кечирилиб. Ујғун јүрүшләр ҹидди тәһлүкәсизлик тәдбирләри илә мүшајиәт олунуб.
Диггәт: Хәбәрдән истифадә етдикдә мәнбәјә истинад лазымдыр
