Әһли Бејт -АБНА- хәбәр аҝентлијинин вердији хәбәрә әсасән Сентјабрын 9-да Гарадағ рајонунда јерләшән 14 сајлы ҹәзачәкмә мүәссисәсинин бир груп мәһбусу сахланма шәраитләринә етираз олараг һәбсхананын һәјәтинә чыхыблар.
Бу һагда АзадлыгРадиосунун мүхбиринә шаһидләр мәлумат вериб.
Дустаглардан биринин гоһумунун дедијинә ҝөрә, сентјабрын 9-да һәбсханаја баш чәкәндә онлары јахына бурахмајыблар, һәбсханадан тәхминән 150 метр узагда сахлајыблар. Онлар һәбсхана гаршысында бир нечә тәҹили јардым машыны ҝөрдүкләрини дејибләр.
Бир нечә шаһид АзадлыгРадиосуна һәбсхана јахынлығында гара маскалы әмәлијјатчылары ҝөрдүјүнү, һадисә јеринә хүсуси итләр ҝәтирилдијини дејиб.
20-ДӘН ЧОХ МӘҺБУСУН АПАРЫЛДЫҒЫ ДЕЈИЛИР
Дустагларын гоһумлары 20-дән чох мәһбусун һәбсханадан апарылдығыны билдириб.
Һәбсхана нәзарәтчиләриндән бири хәбәри АзадлыгРадиосуна нә тәсдиг, нә дә тәкзиб едиб.
Пенитенсиар Хидмәт Идарәсинин мәтбуат хидмәтиндән исә билдирдиләр ки, 14 сајлы мүәссисәдә сакитликдир, орада һеч бир һадисә баш вермәјиб.
14 сајлы ҹәзачәкмә мүәссисәсиндә әсасән аз ағыр ҹинајәтләрә ҝөрә мәһкум олунан, һәмчинин илк дәфә мәһкумлуг һәјаты јашајан шәхсләр сахланылыр.
Гарадағ рајонунда јерләшән 14 сајлы ҹәзачәкмә мүәссисәсиндә сатирик јазар Мирзә Сакит, блоггер Аднан Һаҹызадә, ҝәнҹ фәал Бәхтијар Һаҹыјев, АХҸП фәалы Саһиб Кәримов сахланылыб. Һазырда һүгуг мүдафиәчиси Видади Исҝәндәрли дә һәмин тәҹридханада ҹәза чәкмәкдәдир.
Диггәт: Хәбәрдән истифадә етдијдә мәнбәјә истинад лазымдыр
