Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын витсе-президенти Һөҹәтүл-Ислам вәл-Мүслимин Мәһәммәд Рыза Миртаҹ билдириб: “Гошулмама Һәрәкатынын Теһранда кечирилән 16-ҹы Саммити дүнја иҹтимаијјәтинин өлкә һаггында тәсәввүрүнү мүсбәт тәрәфә дәјишиб”.
О, дејиб: “Дүнјанын өлкәмиз һаггында тәсәввүрү, Авропа Иттифагынын биртәрәфли санксијаларынын тәзјиги алтында Иран Ислам Республикасы игтисадијјатынын пис вәзијјәтдә олдуғуну иддиа едән Гәрб мәтбуаты тәсири алтында јараныб”.
Һөҹәтүл-Ислам вәл-Мүслимин Мәһәммәд Рыза Миртаҹ даһа сонра Гошулмам Һәрәкатынын Теһранда кечирилән 16-ҹы Саммитинин дүнја иҹтимаијјәтинин өлкә һаггында тәсәввүрүнү дәјишмәсинә ишарә едәрәј билдириб: “Саммит иштиракчылары Иран Ислам Республикасынын мүхтәлиф саһәләр үзрә әлдә етдији наилијјәтләри ҝөзләри илә ҝөрдүләр. Дүнја өлкәләринин Ислам Республикасы һаггында тәсәввүрләринин дәјишмәси мүнасибәтләрин ҝәләҹәјинә бөјүк тәсир ҝөстәрәҹәк вә гаршылыглы әмәкдашлыг үчүн јахшы зәмин јарадаҹаг”.
Диггәт: Хәбәрдән истифадә етдијдә мәнбәјә истинад лазымдыр
