Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Республикасында Ислами Ојаныш һәр ан ҝүҹләнмәкдәдир. Бунун бариз нүмунәси мүбариз руһаниләрин, фәал исламчыларын шәрәфсизҹәсинә шәрләниб һәбс едилмәсидир. Артыг Азәрбајҹанда һиҹаб һәрәкаты ады илә мәшһурлашан һәрәкат илк шәһидләрини дә вериб. Ислам Партијасы сәдринин мүавини һаҹы Вагиф Абдуллјев илк һиҹаб шәһиди кими адыны тарихә јазды.
Мүгәддәс Гум шәһәринин Һөҹҹәтијјә мәдрәсәсиндә мәрһум Һаҹы Вагифин аным мәрасими кечирилиб. Мәрасимдә Гуран охунуб, чыхышлар едилиб, рөвзә вә мәрсијә дејилиб. Аным мәрасиминә дүнјанын мүхтәлиф өлкәләриндән руһани-тәләбәләр топланыб. Чыхышларда Азәрбајҹан руһани вә диндарларынын мүбаризәси јада салыныб, өлкәдәки дини дурум һаггында мәлумат верилиб.
Хатырладаг ки, Вагиф Абдуллајев ијулун 12-дә Пентенсиар Хидмәтин Мүалиҹә мүәссисәсиндә дүнјасыны дәјишиб. Бир ҝүн габаг аиләси Һаҹы Вагифлә ҝөрүшмәк истәсә дә буна шәраит јарадылмајыб.
Вагиф Абдуллајев 2011-ҹи илин јанварын 7-дә јол полиси тәрәфиндән сахланылыб вә сахта иттиһамлар әсасында 11 ил мүддәтинә азадлыгдан мәһрум едилиб. АИП функсионеринин апеллјасија шикајәти тәмин олунмајыб.
Аллаһ рәһмәт етсин.
Диггәт: Хәбәрдән истифадә етдикдә мәнбәјә истинад лазымдыр
