Әһли Бејт -АБНА- хәбәр аҝентлијинин вердији хәбәрә әсасән Комитәнин мәтбуат хидмәтиндән СаламНеwс-а верилән мәлумата ҝөрә, иҹма фәаллары Дөвләт Комитәсинин сәдринә килсәнин тарихи һаггында мәлумат верибләр. Гејд едилиб ки, 1723-ҹү илдә инша олунмуш бу килсә 1836-ҹы илдә “Русија мүгәддәс Синоду”нун хүсуси гәрары илә ермәни Григориан килсәсинин сәрәнҹамына верилиб. Бундан сонра удинләр етираз әламәти олараг килсәјә ҝетмәјибләр.
Килсәдә апарылан тәмир ишләри илә таныш олан Дөвләт Комитәсинин сәдри удин иҹмасы тәрәфиндән тарихи албан килсәсинин бәрпасы истигамәтиндә апарылан ишләри јүксәк гијмәтләндириб, удинләрин ермәниләшмә тәһлүкәси илә үзләшәрәк узун илләр боју дини һәјатдан мәһрум олмаларыны бөјүк әдаләтсизлик кими гијмәтләндириб. “Ермәниләрин тарихи албан килсәсинин һәм архивләрини, һәм дини литурҝијасыны, һәм дини мәбәдләрини оғурлајыб мәнимсәмәләри, јахуд да мәһв етмәләри ермәни милләтчилијинин, дини иргчилијинин бариз нүмунәсидир. Онлар бүтүн дүнјаја ҹар чәкдикләри кими јалныз мүсәлман азәрбајҹанлылара гаршы дејил, диҝәр христиан халглара, о ҹүмләдән Гафгазын ән гәдим христианлары олан удинләрә гаршы јөнәлмиш дөзүмсүзлүк вә мәдәни вандализмдән белә чәкинмәјибләр. Лакин Азәрбајҹан өз мүстәгиллијини бәрпа етдикдән сонра өлкәдә јашајан бүтүн милли азлыглара өз тарихи милли-мәнәви дәјәрләринин бәрпасына, инкишаф етдирилмәсинә там шәраит јарадылыб ки, ҝөрүлән ишләрин сајәсиндә дә һазырда өлкәмиз бир толерантлыг нүмунәси кими ҝөстәрилир. Мөһтәрәм президент Илһам Әлијев ҹәнабларынын апардығы хариҹи сијасәт нәтиҹәсиндә, Азәрбајҹанын реҝионал лидерә чеврилмәси бизим тарихимизә вә удин халгына гаршы һәјата кечирилмиш бу вандализмин нәтиҹәләринин арадан галдырылмасы үчүн әлверишли шәраит јарадыб. Өлкә башчысынын Ниҹ кәндинә сәфәриндән сонра албан абидәләринин бәрпасына башланылыб, иҹманын тәшкилатланмасы вә тарихи килсәнин ирсинә јијәләнмәси истигамәтиндә мүсбәт ишләр апарылыб. Бүтүн бу ишләр һәм удин халгына гаршы, һәм дә бүтөвлүкдә Азәрбајҹан тарихинә гаршы төрәдилмиш әдаләтсизлик арадан галдырылмајынҹаја гәдәр әзмлә апарылмалыдыр”, - Елшад Искәндәров дејиб.
Даһа сонра Комитә рәһбәри рәһбәрлик етдији гурумун бу саһәдә Албан-Удин иҹмасынын фәалијјәтини дәстәкләјәҹәјини билдириб.
Диггәт: Хәбәрдән истифадә етдикдә мәнбәјә истинад лазымдыр
