Әһли Бејт -АБНА- хәбәр аҝентлијинин вердији хәбәрә әсасән Русија Талыш Диаспору Тәшкилатынын Президенти Исмаил Шабанов Талыш Ҹәмијјәтинә гаршы Азәрбајҹанын бир сыра гәзет вә сајтларында јер алан ифтиралара мүнасибәт билдириб.
Исмаил Шабановун ТалысһЫнфо сајтына ҝөндәрдији мәктубунда билдирилир ки, бу Талыш Диаспор Тәшкилатларына вә Талыш Халгынын Зијалыларына гаршы мәгсәдли шәкилдә апарылан компанијанын нөвбәти һәлгәсидир. Ашкар ҝөрүнүр ки, Әнвәр Бөлүсој адлы бирисинин һеч бир мәнтигә вә әхлага сөјкәнмәјән ифтиралары вә бу ифтиралары тиражлајан "Ајна" гәзети башда олмагла чох сајлы Азәрбајҹан интернет сајтлары халгымызы вә онун дәјәрли зијалыларыны ҝөздән салмағы һәдәф ҝөтүрүбләр. Мәлум олдуғу кими "Ајна" гәзетинә Азәрбајҹанын дәјәрли јазычысы Исмајыл Шыхлынын оғлу Елчин Шыхлы рәһбәрлик едир. Әфсуслар олсун ки, Бөлүсој кими шарлатан-провокаторларын бөһтанлары үзәриндә гурулан ҹызма-гара јазылары да сон дөврләрдә мәһз орадан илк мәнбә олараг јајылыр вә тиражланыр. Һесаб едирик ки, белә провокасијалара ганад ачан баш редактор илк нөвбәдә өз атасынын руһу гаршысында бөјүк һөрмәтсизлијә јол верир. Һәлә ки, биз таышлар Исмајил Шыхлыны севә-севә охујур вә һөрмәт едирик.
Мәктубда даһа сонра гејд едилир ки, белә провокасијаларын әсас мәгсәди Азәрбајҹан ҹәмијјәтинин диггәтини һазырда чох актуал олан бир сыра хариҹи вә дөвләтдахили проблемләрдән јајындырмагдыр. Ҝөрүнүр, бунунла бағлы олараг хариҹдә "дүшмән ахтарышына" ҝөстәриш верилиб. Һәдәф исә бу дәфә Русија дөвләти вә Русија вәтәндашларыдыр. Азәрбајҹанын бир сыра дөвләт вә иҹтимаи-сијаси хадимләриндән фәргли олараг, һәвәслә тиражланан ифтираларда ады кечәнләрин һеч бириси индијә гәдәр нәинки Ермәнистан вә Дағлыг Гарабағда һансыса бир тәдбирдә иштирак етмәмиш, үмумијјәтлә орада олмамышлар. Бизи белә ифтираларла провокасијаја чәкмәк нијјәтләриниз исә һеч бир вахт баш тутмајаҹагдыр.
Диггәт: Хәбәрдән истифадә етдикдә мәнбәјә истинад лазымдыр
