Әһли Бејт -АБНА- хәбәр аҝентлијинин вердији хәбәрә әсасән Ислам Шурасы Мәҹлисинин Милли Тәһлүкәсизлик Комиссијасынын витсе-президенти “Аран” мүхбиринә мүсаһибәсиндә Азәрбајҹан һөкумәтинин АИП функсионеринин шәһадәтинә сәбәб олмуш гејри-инсани һәрәкәтинин писләнмәси барәдә бәјанат верилдијини хәбәр вермишдир.
Доктор Мәнсур Һәгигәтпур АИП функсионери һаҹы Вагиф Абдуллајевин дини етигадлары, әсасән дә һиҹабы мүдафиә етдији үчүн һәбс олунмасына ишарә едәрәк дејиб: “Азәрбајҹан дөвләтинин онунла рәфтары гејри-гануни олмуш вә о руһи, мәнәви вә физики тәзјигләрә мәруз галмасы сәбәбиндән шәһид олмушдур”.
Ислам Шурасы Мәҹлисинин нүмајәндәси бу бәјанатын 153 нәфәр парламент нүмајәндәси, әсасән дә азәриләр јашајан бөлҝәләрин тәмсилчиләри тәрәфиндән имзаландығыны да ачыглајыб. О артырыб: “Нүмајәндәләр бу бәјанатда Азәрбајҹан дөвләтинин бу һәрәкәтләрини писләмәклә јанашы, Азәрбајҹан халгынын Ислам дәјәрләри уғрунда мүбаризәсини вә ислами һәрәкатларыны дәстәкләдикләрини билдирибләр”.
Гејд едәк ки, АИП-ин сәдр мүавини һаҹы Вагиф Абдуллајев һиҹаб гадағасына етираз етдији үчүн 2011-ҹи илин јанвар ајында әсассыз вә сахта иттиһамларла һәбс едилди вә бу иттиһамларын һеч бири сүбута јетмәди. Гануна әсасән, һаҹы Вагиф Абдуллајев ағыр хәстә олдуғу үчүн азад олунмалы иди. Лакин, Азәрбајҹанын тәһлүкәсизлик органлары һәким анализинин нәтиҹәләрини вә ганында хәрчәнҝ олмасыны онун вәкилиндән ҝизли сахлајыблар.
АИП-ин сәдр мүавини һаҹы Вагиф Абдуллајев бир өмүр Ислам дәјәрләринин горунмасы јолунда бир өмүр мүҹаһидәтдән сонра һәбсханада шәһадәтә јетди.
Диггәт: Хәбәрдән истифадә етдикдә мәнбәјә истинад лазымдыр
