Әһли Бејт -АБНА- хәбәр аҝентлијинин вердији хәбәрә әсасән Ислам Әмәкдашлыг Тәшкилатынын Баш катиби Иһсаноғлу Мјанмада мүсәлманлара мүнасибәтдә һәјата кечирилән зоракылығын гаршысынын алынмасы үчүн тәзјиг ҝөстәрәҹкләрини билдириб. Иран Ислам Республикасы да зоракылығын гаршысынын алынмасы үчүн БМТ-јә мүраҹиәт едиб.
ИӘТ-ин Баш катиби Екмеледдин Иһсаноғлу Мисирә сәфәри чәрчивәсиндә өлкә президенти Мәһәммәд Мурси илә ҝөрүшүб.
Мурси илә ҝөрүшүндә мүсәлман өлкәләриндә јашанан чәтинликләрдән вә Мјанмада мүсәлманлара гаршы зоракылыг һалларындан данышан Иһсаноғлу ИӘТ-нин Мјанмадакы бүтүн иҹтимаи бирликләр вә бејнәлхалг инсан һүгуглары тәшкилатлары илә әлагәјә ҝирәҹәкләрини, бурадакы мүсәлманлара јардым ҝөндәрәҹәкләрини билдириб.
Бундан әлавә, Иһсаноғлу тәҹавүзүн гаршыснын алынмасы вә мүсәлманларын мүдафиә олунмасы үчүн Мјанма рәһбәрлијинә тәзјиг ҝөстәрәҹәкләрини гејд едиб.
Ејни заманда, Иран Ислам Республикасы рәһбәрлијинин бејнәлхалг аләм, ИӘТ, БМТ нәздиндәки гурумларла иш ағардығы билдирилиб. Бу чәрчивәдә ИИР-ын БМТ-дәки даими нүмајәндәси Мәһәммәд Хәзаи тәрәфиндән БМТ Баш катиби Бан Ки Муна ҝөндәрдији мәктубда Мјанмада јашајан мүсәлманлара гаршы әмәлләрин гаршысынын алынмасы үчүн тәҹили аддымлар атылмасы тәләб олунуб.
Мјанмада ҹох сајда динҹ вәтәндашын гәтлә јетирилдијинә, Мәсҹид вә евләрин јандырылдығына диггәти јөнәлдән мәктубда, мүсәлманларын јүз илләрлә јашадыглары торпаглардан чыхарылмасынын гәбул едилмәјәҹәји вурғуланыб.
Мәктубда бејнәлхалг аләмин Мјанмадакы күтләви гырғынлар гаршысында һеч бир реаксија ҝөстәрмәмәси бурадакы мүсәлманларын һүгугларынын позулмасына вә вәзијјәтин даһа да писләшмәсинә сәбәб олдуғу гејд едилиб.Әһли Бејт -АБНА- хәбәр аҝентлијинин вердији хәбәрә әсасән
Диггәт: Хәбәрдән истифадә етдикдә мәнбәјә истинад лазымдыр
