Әһли Бејт -АБНА- хәбәр аҝентлијинин вердији хәбәрә әсасән сионистјөнлү Сәудијјә Әрәбистанында һәбс едилән Шиә Руһаниси Һөҹҹәтүл Ислам вәл Мүслимин Шејх Нәмр Багир әл-Нәмрин јахынлары билдирибләр ки, Шејх Нәмр Багир әл-Нәмр јаралы олмасына бахмајараг мөвҹуд режим даирәләринин гејри-гануни давранышына етираз әламәти олараг сахландығы ҹәза камерасында аҹлыг елан едиб.
Хатырладаг ки, бир нечә ҝүн әввәл халга диван тутан сионистјөнлү Сәудијјә Әрәбистанынын режимин мүһафизә органларынын муздурлары тарладан евә гајыдан Руһанинин автомобилинә вәһшиҹәсинә һүҹум едибләр. Нәтиҹәдә Һөҹҹәтүл Ислам вәл Мүслимин Шејх Нәмр вә ону мүшајиәт едәнләр јараланыблар. Шејх өзү исә һәбс едилиб. Јалныз бир һәфтәдән сонра Руһани илә ҝөрүшән гоһумлары билдирибләр ки, онун ишҝәнҹәләрә мәруз галдығы ашкар сезилир.
Әл-Шәргијјә әјаләтиндә јерләшдирилән режим ордусу етираз едәнләрә гаршы ҹидди ҹәза тәдбирләри кечирирләр. Лакин бунунла белә режимин аҹы сијасәтләринә гаршы халг күтләсинин етиразлары сәнҝимир.
Гејд едәк ки, бир нечә ҝүн әввәл Мәдинәји Мүнәввәрәдә дә әл-Нәмрин оғурланмасына гаршы етираз аксијасы кечирилиб.
Диггәт: Хәбәрдән истифадә етдикдә мәнбәјә истинад лазымдыр
