Әһли Бејт -АБНА- хәбәр аҝентлијинин вердији хәбәрә әсасән 13 ијул 2012 тарихиндә русијанын пајтахды Москвада, Азәрбајҹан сәфирлији өнүндә, Азәрбајҹан Республикасында баш алыб ҝедән анти-вәтәндаш сијасәтләринә гаршы етираз аксијасы кечирилиб.
Аксијанын әсас тәшкилатчылары Русија Инсан Һүгугларынын Мүдафиә Комитәси вә Азәрбајҹандан русијаја бир пара чөрәк ардыјҹа ҝедәнләр олуб.
Онлар Азәрбајҹанда бүтүн сијаси мәһбусларын хүсуси илә дә “Толыши Сәдо” гәзетинин редактору, Талыш Халгынын зијалысы Һилал Мәммәдовун азад олунмасын тәләб едибләр.
Һабелә аксија иштиракчыларынын ичәрисиндә “Вәтәндаш Јардым Комитәси”, Миграсија вә Һүгуг Мәркәзинин Шура үзвү вә Шәбәкә рәһбәри Мемориал Светлана Ганнушкина, Теолог Муса Гурбанов, политолог Фәхрәддин Аббасов, РОО Талыш Диаспорасынын президенти Исмаил Шабанов да олмушдур.
Аксија иштиракчылары сәфирлиј гаршысында “Һилал Мәммәдова Азадлыг!”, “Азәрбајҹанда Бүтүн Сиајси Мәһбуслар Азад Олсун!”, “Диндарлара Азадлыг!” вә с. шүарлар верәрәк сивил јолла өз наразылығларыны билдирмишләр.
Аксијанын бәјанијјәси Москвадакы Азәрбајҹан сәфирлијинин нүмајәндәсинә верилиб вә аксија инсидентсиз һәјата кечиб.
Диггәт: Хәбәрдән истифадә етдикдә мәнбәјә истинад лазымдыр
