Әһли Бејт -АБНА- хәбәр аҝентлијинин вердији хәбәрә әсасән Азәрбајҹанда мәмурларын зәнҹирвари һагсызлыглары артыг халгын мүхтәлиф тәбәгәсинин сәбрини түкәндирмишдир. Белә ки, 8-ҹи километр базарынын 150 нәфәрә јахын ишчиләри Президент Администрасијасынын гаршысында аксија кечирмәјә ҹәһд едибләр. Лакин полисләр аксија иштиракчыларынын гаршысыны кәсиб. Онлар Филармонија бағындан јухары аддымлаја билмәдикләри гејд олунур.
Шикајәтчиләр билдирдиләр ки, аксијаја ҝәлән ики автобус јары јолда дајандырылыб. Аксија иштиракчылары ҝери гајытмалы олублар.
Шикајәтчиләрдән бир групу Администрасијанын гәбул шөбәсинә апарыб.
Шикајәтчиләр даһа сонра дејибләр ки, үч-дөрд ҝүн әввәл иҹра һакимијјәтинә дә ҝедибләр. Иҹра башчысынын мүавини Илдырым мүәллим онлары гәбул едиб. “Башчынын мүавини бизә деди ки, “онлара ҝүҹүмүз чатмыр”. Өз табелијиндә олан базар мүдиријјәтинә иҹра һакимијјәтинин ҝүҹү чатмыр”.
Шикајәтчи Фикрәт Бабајев исә дејиб ки, гаршысында дурдуғу “Һејдәр Әлијев Фонду”нун президенти Меһрибан Әлијеваја 3-4 дәфә ејни мәзмунлу мәктуб ҝөндәриб. Мәктубда јашадығы вәзијјәти шеирлә ифадә едиб:
“Нә Һөвсандыр, нә Бинәдир мәканымыз
Сүдчүлүк совхозудур үнванымыз
Харабадыр јолларымыз, јохдур газымыз
Итин ҝүнүндәдир ҝүзәранымыз“.
Мәктубун һеч биринә ҹаваб ҝәлмәјиб. Президент Администрасијасына апарылан бир груп шикајәтчи ҝери гајыдыр. Онлар билдирирләр ки, Әмлак Мәсәләләри үзрә Дөвләт Комитәсинин сәдри Кәрәм Һәсәнов онлары гәбул едәҹәк. Биз дә Комитәјә јолланырыг. Кәрәм Һәсәнов бир груп шикајәтчини гәбул едир. Онлара сөз верир ки, рүшвәт истәјән вәзифәли шәхс ҹәзаландырылаҹаг вә проблемләри һәлл олунаҹаг.
Диггәт: Хәбәрдән истифадә етдикдә мәнбәјә истинад лазымдыр
