“Каинатфилм” “Нәһҹүл-Бәлағә”нин сәсләндирмәсини уғурла сона чатдырыб

Бу ҝүнләрдә “Каинатфилм” студијасы Һәзрәт Әлинин (ә) кәламларындан ибарәт олан «Нәһҹүл-Бәлағә»нин сәсләндирмәсини битириб. Бу мүбарәк китабы дәјәрли актјорумуз, халг артисти Нурәддин Меһдиханлы сәсләндириб.Бу һагда “Каинатфилм” студијасынын директору Һаҹы Сүлејман Фәрзәлијев “Дејерлер.орҝ”а даһа әтрафлы мәлумат вериб: “Бисмилләһир-раһмәнир-раһим. Бир илә јахын иди ки, Һз. Әлинин (ә) «Нәһҹүл-Бәлағә»сини сәсләндирмәк һагда дүшүнүрдүк. Гурани-Кәримин сәсләндирилмәси вар иди, лакин «Нәһҹүл-Бәлағә»нин сәсләндирилмәси јох иди. Бунун сәсләндирилмәси үчүн арашдырма етдик, көмәк тапдыг. Мөмин гардашлардан бири дә мәнә јахынлашыб, бу фикирдә олдуғуну деди. Билдирди ки, биз ҝүҹләримизи бир јолла бирләшдирәк вә буну һәјата кечирәк. Мән она дедим ки, бу ишин бүтүн техники тәрәфләрини мән өз үзәримә ҝөтүрүрәм. Сиз дә буну сәсләндирмә үчүн актјор сечими един.Бу вахта кими «Нәһҹүл-Бәлағә»дән бәзи һиссәләр сәсләндирилмишди, лакин биз гәрар вердик ки, бу китабы там шәкилдә сәсләндирәк. Бунун үчүн дә Азәрбајҹан Республикасынын халг артисти Нурәддин Меһдиханлыны дәвәт етдик вә о, бу тәклифи мәмнунијјәтлә гәбул етди. Деди ки, Һз. Әлинин (ә) «Нәһҹүл-Бәлағә»сини сәсләндирдијим үчүн севинәрәм. Доғурдан да Нурәддин Меһдиханлы бөјүк севҝи илә бу мүбарәк китабы сәсләндирди. Сәсјазма тәгрибән 18 сааты әһатә етди. Бу сәсјазманы әрсәјә ҝәтирмәк үчүн тәхминән он ҝүн сәрф олунду. Һазырда исә шәрһләр тамамланмаг үзрәдир. Шәрһләри исә Маһир Миришов сәсләндирир. Бу ишин әрсәјә ҝәлмәсиндә зәһмәти кечән гардашлар вар ки, онлара тәшәккүр едирәм. Иншаллаһ нөвбәдә «Сәһифеји-Сәҹҹадијјә» нин сәсләндирилмәсидир. Онун сәсләндирилмәси үчүн исә Елшән Рүстәмову нәзәрдә тутмушуг. О, “Һәзрәти Јусиф” филминдә Јусифи, “Иса Пејғәмбәр” филминдә Иса (ә) Пејғәмбәри, “Мухтарнамә”дә исә Мухтар ролуну сәсләндирмишди”.