Әһли Бејт -АБНА- хәбәр аҝентлијинин вердији хәбәрә әсасән “Милли-Мәнәви Дәјәрләр” Иҹтимаи Бирлијинин сәдри Меһди Мәммәдов Бинәгәди Рајон Мәһкәмәсин гәрарындан апеллјасија шикајәти вермәкдән имтина едиб. Буну ијулун 9-да вәкил Заман Сәмәдов дејиб.
Ијунун 28-дә Бинәгәди Рајон Мәһкәмәси Меһди Мәммәдовун 2 ил мүддәтинә азадлыгдан мәһрум олунмасы барәдә гәрар чыхарыб. О, сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахламагда тәгсирли билиниб.
Ијулун 9-да Бакы Истинтаг Тәҹридханасында Меһди Мәммәдовла ҝөрүшән вәкил Заман Сәмәдовун дедијинә ҝөрә, Меһди Мәммәдов апеллјасија шикајәти вермәмәсинин сәбәбини белә изаһ едиб: “О, иҹтимаијјәтә месажыны чатдырмағымы хаһиш етди. Меһди Мәммәдов өзүндә руһ јүксәклији һисс етдијини, һәтта өмүрлүк һәбс ҹәзасы алса да, әгидәсиндән дөнмәјәҹәјини деди. Билдирди ки, Азәрбајҹан мәһкәмәләринә инанмадығына ҝөрә апеллјасија шикајәти вермәјәҹәк. О, һәбсинин сифаришли олдуғуну да бир даһа иҹтимаијјәтин диггәтинә чатдырмағымы хаһиш етди”.
Меһди Мәммәдов февралын 18-дә сахланылыб.
Диггәт: Хәбәрдән истифадә етдикдә мәнбәјә истинад лазымдыр
