Әһли Бејт -АБНА- хәбәр аҝентлијинин вердији хәбәрә әсасән бу ҝүн 7 ијун тарихиндә Азадхебер.орҝ сајтынын баш редактору Ниҹат Әлијевин сахта иттиһамла һәбси илә әлагәдар Мүдафиә Комитәси конфранс кечириб.
Журналистин Мүдафиә Комитәси бәјанатла чыхыш едиб.
Бәјанаты сизә тәгдим едирик:
"Азадхебер.орҝ сајтынын баш редактору Ниҹат Әлијевин сахта иттиһамла һәбсини писләјирик. Өлкәдә журналистләрин һәбси вә онлара гаршы ҝөстәрилән тәзјигләр јолверилмәздир. Баш редактор Ниҹат Әлијев бир мәналы сијаси мәһбусдур вә Мүдафиә Комитәси Ниҹат Әлијевин һәбсини сифаришли һесаб едир. Ниҹат Әлијев өлкәдә баш верән сосиал вә дини проблемләри ҝүндәмдә сахлајан бир журналистдир. Онун көшә јазылары, мәгаләләри өлкәдә Азана вә Һиҹаба гадаға, мәсҹидләрин ганунсуз сөкүлмәси, руһаниләрин шәрләнәрәк һәбс олунмасы, вәтәндашлара зор тәтбиг едәрәк евләринин сөкүлмәси, өлкәдә мәмур өзбашыналыгларыны әһатә едир. Мәһс баш редакторун бу јазылары онун һәбсинә сәбәб олду. Биз тәләб едирик ки, журналист Ниҹат Әлијевә бәраәт верилсин вә азад олунсун. Баш редактора бир мәналы олараг Виҹдан мәһбусу статусу верилсин. Журналист Ниҹат Әлијевин һүгугларынын мүдафиәси үчүн бүтүн јерли вә бејнәлхалг һүгуг тәшкилатларына сәсләнәрәк, баш редакторун мүдафиәсинә чағырырыг."
Диггәт: Хәбәрдән истифадә етдикдә мәнбәјә истинад лазымдыр
