Әһли Бејт -АБНА- хәбәр аҝентлијинин вердији хәбәрә әсасән Абҝүл Сүлејмановун вәкили Рүстәм Зүлфүгаров билдириб: “Руһани Һаҹы Абҝүл Сүлејмановун нөвбәти мәһкәмә просеси тәхирә салыныб”.
Рүстәм Зүлфүгаров вердији ачыгламада дејиб: Руһани Абҝүл Сүлејмановун мәһкәмәсинин тәхирә салынмасынын сәбәби шаһидләрин мәһкәмә иҹласына ҝәлмәмәси олуб.
Вәкил даһа сонра билдириб ки, нөвбәти динләмә ијулун 6-да саат 15:00 тәјин едилиб.
Бу ҝүн 25 ијун тархинә тәјин едилмиш "Милли-Мәнәви Дәјәрләр” Иҹтимаи Бирлијинин сәдри Меһди Мәммәдовун мәһкәмә просеси дә јенидән тәхирә салыныб.
Меһди Мәммәдовун иши үзрә шаһид ифадәси вермәли олан шәхсләрин мәһкәмәнин нөвбәти иҹласына ҝәлмәмәси буҝүнкү просесин тәхирә салынмасына сәбәб олуб.
Гејд едәк ки, просесдә шаһид гисминдә Меһди Мәммәдовун һәбс әмәлијјатына рәһбәрлик едән баш әмәлијјатчы Вүгар Нәҹәфовун диндирилмәси ҝөзләнилирди.
Нөвбәти мәһкәмә динләмәләри ијунун 27-дә саат 11:15-ә тәјин олунуб.
Диггәт: Хәбәрдән истифадә етдикдә мәнбәјә истинад лазымдыр
