Әһли Бејт -АБНА- хәбәр аҝентлијинин вердији хәбәрә әсасән кечмиш исраилли әсҝәр исраил ишғалчыларынын Фәләстин халгына мүнасибәтдә јүрүтдүјү сијасәтә етираз әламәти олараг Фәләстин вәтәндашлығыны гәбул етмәк нијјәтиндәдир.
Таҹикистандан Бејт-Леһем шәһәринә мүһаҹирәт етмиш 23 јашлы Андреј Пшеничников Исраил вәтәндашлығындан имтина едәрәк Фәләстин вәтәндашлығыны гәбул етмәк гәрарына ҝәлиб. О, 3 ај әввәл гејри-гануни олараг Бејт-Леһем шәһәри јахынлығында јерләшән Деһејша Фәләстин гачгынлары дүшәрҝәсинә көчүб, мүгәддәс Вифлеем шәһәринә ҝәлән православ турситләр үчүн ҝид кими фәалијјәт ҝөстәрмәк истәдијини иддиа едир.
Фәләстинлиләр бу “әдаләт дөјүшчүсүнү” шүбһә илә гаршылајыблар. Онун јашадығы евин саһиби олан Тарик Әбу Шејха А.Пшеничниковун иврит дилиндә данышдығы, һәмчинин, Исраил һәрби билети дашыдығыны билдириб.
Ә.Шејха дејиб: “Бизим арамызда јашамаг истәјән Исраил вәтәндашлары илә проблемимиз јохдур. Онлара Фәләстин шәхсијјәт вәсигәсини вермәк бизим үчүн бөјүк шәрәфдир. Лакин бу ҝәнҹ, јалан информасија вердији үчүн ону Исраил тәрәфинә тәһвил вердик”.
Һазырда Авропада сәјаһәт едән А.Пшеничников “Исраил вәтәндашлығындан азад олунмасыны” тәләб едир.
Диггәт: Хәбәрдән истифадә етдикдә мәнбәјә истинад лазымдыр
