Әһли Бејт -АБНА- хәбәр аҝентлијинин вердији хәбәрә әсасән Тәбризин имам ҹүмәси Ајәтуллаһ Мөһсин Мүҹтәһид Шәбүстәри ҹүмә намазынын хүтбәләриндә Азәрбајҹанда кечирилән бәднам "еуровисион" мүсабигәсинә чәкилән ағыр хәрҹләрә вә мүсабигәјә салон тикмәк ҹамаатын евинин сөкүлмәсинә ишарә едәрәк дејиб: "Бу әхлагсыз мүсабигә гаршыланмамагдан әлавә өлкә халгынын вә Иранын азәри дилли әһалисинин етиразлары илә ҝеј-парад да ләғв олунду".
Имам ҹүмә Азәрбајҹан һакимијјәтинин сионистләрин тәсири илә анти-Ислам һәрәкәтләр атмасына да тохунараг дејиб: "АБШ вә сионист режим Азәрбајҹанда позғунлуғу тәрвиҹ етмәклә ону икинҹи Исраилә чевирмәк истәјирләр".
Ајәтуллаһ Шәбүстәри һәмчинин, Али Мәгамлы Рәһбәрин "әҝәр милләтләр вә дөвләтләр диндән ајры дүшсәләр пуч вә мәһв оларлар"- бәјанатына ишарә едәрәк АБШ вә сионист режиминә хәбәрдарлыг едиб: "Америка вә сионист режими билсинләр ки, Азәрбајҹан Республикасы Ислам өлкәсидир вә халгын әгидәсини онларын әлиндән ала билмәзләр. Үстәлик, Азәрбајҹаны икинҹи Исраилә чевирмәк арзусуну өзләри илә гәбрә апараҹаглар".
Диггәт: Хәбәрдән истифадә етдикдә мәнбәјә истинад лазымдыр
