Әһли Бејт -АБНА- хәбәр аҝентлији- “Коррупсиометр” програмынын 24 мај програмында експерт Етибар Әлијев билдириб: “Мәктәб диләнән гурум дејил, мәктәбин гүруру олмалыдыр.”
Програмын диҝәр гонағы Тәһсил Назирлијинин али вә орта ихтисас шөбәсинин бөјүк мәсләһәтчиси Әнвәр Иманов исә билдирди ки, мәктәбләрдә һәлә дә рүшвәт проблеминин галдығыны инкар етмир. Амма үмумтәһсил мәктәбләриндә тәһсилин тәшкили илә, техники базанын јарадылмасы илә әлагәдар валидејнләр вә јахуд имканлы адамлар көнүллү өдәмәләр, ианәләр едә биләрләр. Бу кими өдәнишләр рүшвәт һесаб едилә билмәз:
- Бир сыра мәктәбләрдә мүәллим-валидејн ассосиасијалары јарадылыб, ассосиасијанын ишини координасија едән валидејн-мүәллим комитәси дә вар. Һәмин мәктәбләрдә валидејнләрин бирҝә иҹласында гәрар гәбул едиб, һансыса бир мәсәләнин, фондун јарадылмасы һаггында гәрар гәбул едәрәк кимин 20 гәпик, кимин бир манат, кимин даһа чох. Һәтта ола биләр ки белә фактлар вар һансыса мәктәбләрин һимајәсини имканлы адамлар өһдәләринә ҝөтүрүб бөјүк ианәләрлә јатырым едә биләрләр.
Етибар Әлијев исә валидејн-мүәллим ассосиасијасынын гејри-формал јығымын башында дуран гурум олдуғуну билдирди.
- Бир сыра дөврү мәтбуатларда ачыг шәкилдә мәктәбләрин ады јазылыр ки, орта мәктәбдә биринҹи синфә ушаг гәбулу нечәјәдир.
Бу иши ҝөрәнләр мәктәбләрин рәһбәрләри бағлы адамлардыр, назирликдә һимајә олунурлар, јүксәк вәзифә тутан шәхсләрин гоһумлары вә ејни заманда тәһсил назиринин өз гоһумлары вә тәјин етдији шәхсләрдир.
Онларла коррупсијанын көкүнү кәсмәк истигамәтиндә мүбаризә апармаг гејри-мүмкүндүр.
Әнвәр Иманов шикајәтчи валидејнләрә Тәһсил Назирлијинин гајнар хәттинә - 146-ја зәнҝ вурмаларыны мәсләһәт ҝөрәрәк гејд етди ки, шикајәтдән сонра валидејн вә ја шаҝирдләр һәр һансы тәзјигә мәруз галарларса тәһсил назири сона гәдәр онларын һүгугларынын горунаҹағына зәманәт верир.
Диггәт: Хәбәрдән истифадә етдикдә мәнбәјә истинад лазымдыр
