Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Бакыдакы сәфири муздлу үнсүрләрин Ислам Ингилабынын Бөјүк Рәһбәринә һөрмәтсизлији вә Азәрбајҹан Республикасында анти-ислами һәрәкәтләрин кәскинләшмәсинә етираз оалраг бу өлкә торпағыны тәрк едиб.
Һаким Јени Азәрбајҹан Партијасына бағлы алданмыш вә муздлу үнсүрләрдән ибарәт бир груп, еләҹә дә сионист режим тәрәфиндән дәстәкләнән сепаратчылар вә иргчиләр сон вахтлар өнҹәдән програмлашдырылмыш бир аксијада дүнја мүсәлманларынын Вәлијји Фәгиһинин мүгәддәслијинә һөрмәтсизлик едибләр.
Иранда мәлуматлы бир мәнбә Азәрбајҹан Республикасынын сионизмә нөкәрлик үчүн бүтүн гоншулуг вә Ислами һәмрәјлик принсипләрини тапдаладығыны вә өзүнү итирдијини гејд едәрәк хәбәрдарлыг едиб: Бакы анти-Ислам вә анти-Иран сијасәтләринин алтыны чәкәҹәк.
Сон ајлар әрзиндә бу өлкәнин идарә олунмасыны практики олараг сионистләрә тапшыран рәсми Бакы, Иран сәфирлијинин етираз характерли бәјанатына бахмајараг, Бөјүк Рәһбәрә һөрмәтсизлик едән үнсүрләри гынамагдан чәкиниб.
Әһалисинин 98%-ин мүсәлманлар тәшкил едән Азәрбајҹан Республикасында һөкумәт бу ҝүнләр бу өлкә халгынын нефт ҝәлирләриндән әлдә олунан вәсаитдән милјардларла доллар сәрф едәрәк Авровизија маһны мүсабигәсинин кечирилмәси бәһанәси илә дүнја һомосексуалларына ев саһиблији едир. Бу да Азәрбајҹан Республикасы халгынын кәскин етиразларына сәбәб олмушдур.
Азәрбајҹан Республикасы һөкумәти тәрәфиндән дүнја һомосексуалларына ев саһиблији етмәк бу өлкәдә исламофобија сијасәтләри, о ҹүмләдән һиҹаб гадағасы, мәсҹидләрин сөкүлмәси, дини мәркәзләрин бағланмасы, исламчы фәалларын һәбс олунмасы, исламчыларын шәһид едилмәси вә дини алим вә мәрҹә тәглидләринә һөрмәтсизлијин кәскинләшмәси илә паралел олараг һәјата кечирилир.
Өтән илин сонларында да Иранын Хариҹи Ишләр Назирлији Азәрбајҹан Республикасынын Теһрандакы сәфирлијини чағыртдырараг сәнәдләр тәгдим едиб вә Иранын нүвә алимләринин террор олунмасында Бакынын Моссадла әмәкдашлығына етираз едиб.
Диггәт: Хәбәрдән истифадә етдикдә мәнбәјә истинад лазымдыр
