Әһли Бејт -АБНА- хәбәр аҝентлијинин вердији хәбәрә әсасән бир нечә ҝүн бундан өнҹә Ләнкәран “Ҹүмә” мәсҹидинин әразисиндә гејри-гануни олараг јерли Рајон Иҹра Һакимијјәтинин ҝөстәриши илә бағча тикмәк барәдә ҝөстәриш верилмишди.
Мәсҹидин һәјәтиндә тикинти апармаг истәјән ширкәт јерли диндарларын ҹидди наразычылығындан сонра тикинти ишләрини сахламаг мәҹбуријјәтиндә галмышды. Ејни һалда, тикинитјә етираз едән ләнкәранлылар полисләр тәрәфиндән һәдәләнәрәк, ҝери чәкилмәси тәләб едилмишди.
Бир нечә ҝүн давам едән ҝәрҝинликдән сонра тикинти ишләринә хитам вериләрәк газылан әрази торпагла долдурулуб. Бу барәдә ФактХебер.ҹом-а АИП-ин Ләнкәран комитәсинин сәдри Һаҹы Илһам Мустафаоғлу мәлумат вериб.
АИП функсионеринин билдирдијинә ҝөрә јерли дин алимләри, ағсаггаллар вә диндарлардан јарадылмыш бир груп инсан Ләнкәран Рајон Иҹра Һакимијјәтиндә олублар. Јерли рәсмиләрлә апарылан данышыглардан сонра, мәсҹидин зәбт едилмиш әразиси бәрпа олунуб.
Һаҹы Илһам Мустафаоғлу гејд етди ки, јерли диндарлар верилән бу гәрары тәгдирә лајиг һал кими гијмәтләндирәрәк, алгышлајырлар.
Диггәт: Хәбәрдән истифадә етдикдә мәнбәјә истинад лазымдыр
