Әһли Бејт -АБНА- хәбәр аҝентлијинин вердији хәбәрә әсасән мајын 12-дә Әрдәбил шәһәриндә ишә башлајан "Исламын Гафгазда Бејнәлхалг Миссијасы Конфрансы"нда чыхыш едән һөҹҹәтүл-ислам вәл-мүслимин Сејид Һәсән Амили деди: "Азәрбајҹанын ев саһиблији етдији "Еуровисион" тәкҹә Аллаһла мүһарибә дејил, бәлкә бәшәријјәтин әсрләр боју мүтәмади олараг әлә ҝәтирдији вә онунла мунис олдуглары бүтүн дәјәрләрлә мүһарибәдир".
О, белә бир биабырчы әмәли ағлын зиддинә олмасы вә шејтани мејарларла ујғун олмасы кими тосиф едәрәк деди: "Инди бир кишинин өз кишилијинә вә бир гадынын өз гадынлығына нифрәт етмәси сионистләрин фитнәсидир вә онлар ашкар сурәтдә билдирирләр ки, белә бир ҹинси тәфәккүрүн тәрвиҹинә вә гадынын киши, кишинин гадын олмасына севинирләр. Һәтта, буну өзләринин вәд едилмиш ҹәннәтләри билирләр".
Вәлијји-фәгиһин нүмајәндәси хатырлатды: "Азәрбајҹанлыларын гејрәти вә етигади дәјәрләри иҹазә вермир ки, сионистләр өз гәләт тәфәккүрләрини вә һомосексуаллығы онларын өлкәләриндә шөләләндирсинләр. Јахуд ҹәмијјәт вә аиләнин дәјәр низамыны күлә дөндәрсинләр".
Амили вурғулады: "Биз бир мүсәлман вә шиә олараг, Азәрбајҹан өлкәсиндә дини һакимијјәти мүдафиә едирик вә гондарма сионист режиминин Азәрбајҹан өлкәсиндә өзбашына һәрәкәтләрини вә өз хитабларында Азәрбајҹаны өзләри үчүн фајдалы мүнасибәтләр бахымындан аналогу олмајан өлкә адландырмаларыны гәбул едә билмәрик".
О, Азәрбајҹан Республикасы башчыларынын Исраиллә һәр ҝүн тиҹари-игтисади мүнасибәтләринин артырмаларындан тәәссүфләндијини билдирәрәк деди: "Азәрбајҹан Республикасынын гондарма сионист режимини 10 ил газла вә 70 фаиз јанаҹағынын тәмин етмәси тәәссүфләндириҹи һалдыр вә һәгигәтдә бу өлкә үчүн реал тәһдид һесаб едилир".
Исламын бејнәлхалг миссијасы вәһдәт вә инсани кәрамәтдән башга бир шеј дејил.
Әрдәбилин имам ҹүмәси чыхышынын диҝәр бир һиссәсиндә Ислам дүнјасынын алим, мүтәфәккир вә рәһбәрләринин бу мөһтәшәм конфрансда иштиракына өз тәшәккүрүнү билдирди вә давам едәрәк деди: "Бизим бәзи гоншуларымыз ислами һүгуглара риајәт етмәкдә бир ләкә дамғасы олублар вә Иран Ислам һөкумәтинә гаршы һөрмәтсизлик едирләр, тәглид мәрҹәләринин хејирхаһлығыны дәхаләт кими дәјәрләндирирләр, мәһз мәлумат чатдыран ИИР КИВ-ини дахили ишләрә мүдахилә етмәк сајырлар, дүзҝүн информасија чатдыран мәркәзләрин фәалијјәтини дајандырырлар".
Ҹәнаб Амили вурғулады:"Бир даһа хатырладырам ки, биз әмр бе мәруф вә нәһј әз мүнкәри бәјан етмәклә вә хејирхаһлыг үзүндән бәзи нәсиһәтләр етмәклә мүдахилә етмәк фикриндә дејилик. Ислам дүнјасы вә шиә бу ҝүн мәнигсиз бир дүшмәнлә гаршылашмышдыр. Онлар Ислам дүнјасынын шүар вә месажларыны ешитмәк истәмәмәкдән әлавә, һәтта Ислам тәфәккүрүнүн јајылмасындан да горхуја дүшүбләр вә һәр бир васитәдән истифадә едәрәк онун гаршысыны алмаға чалышырлар".
Вәлијји-фәгиһин нүмајәндәси деди: "Ислам дүнјасы вә мүсәлманлар ваһид бир үммәт формалашдырмагла истикбарын шејтанлыглары олан бу мөһкәм сәдди сындырмаг вә бунунла да һәгигәти бәјан етмәк вә һәтта хејирхаһлыг, әмр бе мәруф вә нәһј әз мүнкәр үзүндән башга өлкәләрин ишләриндә өз һәмрәјликләрини ҝөстәрмәк истәјирләр".
Ајәтуллаһ Амили ҹәмијјәтин ән бөјүк бәласын сәлаһијјәти олмајан бир шәхсин ҹәмијјәтә рәһбәрлиј етмәси олдуғуну билдирәрәк артырды: "Исламын миссијасы һәр һансы бир сәрһәдә диггәт етмәдән инсани кәрамәтдир. Та бунунла да дүнјанын насалеһ рәһбәрләри инсанлары әсир вә өз ојунҹағына чевирмәсин".
Әрдәбилин имам ҹүмәсичыхышынын диҝәр бир һиссәсиндә гәрб системинин Ислам өлкәләринин дәрслик китабларындан ҹиһад, әмр бе мәруф вә нәһј әз мүнкәр, тәвәлли вә тәбәрри кими ислам тәлимләрини чыхармаға чалышмаларыны, һәтта бәјәријјәти Аллаһын затында плүрализмә дәвәт етмәләрни дә хәбәр верәрәк, дүнја мүсәлманларынын сајыглығыны гәрбин бир чох планларынын гаршысыны алаҹағына инандығыны билдирди.
Амили ҹәнаблары чыхышынын давамында сөјләди: "Америка вә сионист режим Ислам дүнјасынын әсас дүшмәни олараг өзләринин бүтүн мадди вә мәтбуат ҝүҹүнү ишә салыблар ки, башга өлкәләрин ишләринә мүдахилә етмәклә һәгигәти тәрсинә ҝөстәрсинләр. Белә ки, АБШ, Әрәбистаны тәһрик едәрәк гејри-гануни олараг Бәһрејнә дахил етмишдир вә халгын һүгугларыны тапдалајыр, ҝөрмәмәзлијә вурур. Һәтта дүнјанын азад мәтбуатына да һәгигәтләри ишыгландырмаға иҹазә вермирләр".
Әрдәбилин имам ҹүмәси чыхышын сонунда билдирди: "Ислам өлкәси вә бизим фигһи системимиздә әмр бе мәруф вә нәһј әз мүнкәр әдаләт вә инсан кәрамәти горумаг үчүн мүдахилә сајылмыр, һәтта бүтүн мәртәбә вә сәвијјәләрдә азаддыр. Белә бир мәгамда әгли вә нәгли бахымдан сүкут рәва дејил".
Диггәт: Хәбәрдән истифадә етдикдә мәнбәјә истинад лазымдыр
