Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын нефт назири Рүстәм Гасыми билдириб: «Мајын 23-дә Бағдадда Иранла «алтылыг» өлкәләри арасында кечириләҹәк нөвбәти мүзакирәләрдә Теһрана гаршы санксијалар ләғв олунмајаҹағы тәгдирдә бүтүн Авропаја нефт ихраҹыны дајандыраҹағыг».
Онун сөзләринә ҝөрә, Ислам Республикасынын нефт сатышында вә онун пулуну алмагда һеч бир чәтинлији јохдур.
Р.Гасыми Иран Ислам Республикасы нефтини алмаг үчүн бир чох мүштәринин нөвбә ҝөзләдијини вә Авропаја нефт ихраҹынын дајандырылаҹағы тәгдирдә һеч бир проблемлә үзләшмәјәҹәкләрини дејиб.
О әлавә едиб ки, Ислам Өлкәсинин бу аддымы дүнја базарларында нефтин гијмәтини артыраҹаг.
Диггәт: Хәбәрдән истифадә етдикдә мәнбәјә истинад лазымдыр
