Әһли Бејт -АБНА- хәбәр аҝентлији- Артыг бир мүддәтдир ки, әһалисинин 95%-и мүсәлман вә 85%-и шиә олан вә Ислами Әмәкдашлыг Тәшкилатынын үзвү сајылан Азәрбајҹан Республикасындан хошаҝәлмәз хәбәрләр дахил олмагдадыр ки, јалныз мүсәлманларын дејил, бүтүн азад дүшүнҹәли һәр бир инсанын үрәјини ағрыдыр.
Азәрбајҹан Республикасы һөкумәтинин индијә кими нәтиҹәсиз галан өлкәдә мәсҹидләрдән азан верилмәсини јасагламг үзрә ашкар вә ҝизли сәјләри, бир нечә мәсҹидин дағыдылмасы, орта мәктәбләрдә һиҹабдан истифадәнин гадаған едилмәси вә Ислама гаршы јөнәлмиш сијасәтләрә етиразларына ҝөрә јүздән артыг инсанын һәбс едилмәси, өлкәјә боғуҹу атмосферин һаким кәсилмәси, диндарларын, онларын аилә үзвләринин вә јахынларынын давамлы олараг инҹидилмәси гејд едилән хәбәрләрдәндир. Бир мүддәт өнҹә дә, Азәрбајҹан Республикасы диндарларындан олан дини китаб мағазасынын саһиби Һаҹы Рамин Ширмәһәммәдов шүбһәли шәкилдә Азәрбајҹан Республикасынын тәһлүкәсизлик хидмәти тәрәфиндән шәһид едилди.
Бүтүн бу сәјләрин кәнарында рәсми Бакы Азәрбајҹан Республикасынын мүсәлман халгынын мәдәнијјәти вә дини етигадлары илә дабан-дабана зидди олан бир һәрәкәтдә, бу ҝүнләр республика әһалисинин вә реҝион халгларынын нараһатлығына сәбәб олан бајағы Авровизија маһны мүсабигәси вә ондан да даһа писи Ҝеј Парадын кечирилмәсинә ҹидди формада тәдарүк ҝөрмәкдәдир. Әлбәттә, бу бајағы маһны мүсабигәсинин кечирилмәси илә әлагәдар Азәрбајҹан Республикасы мүсәлманларынын үзләшдикләри чәтинликләр вә проблемләр өзү сон дәрәҹә кәдәрли вә үрәк ағрыдан бир маҹәрадыр. Буна мисал олараг, һомосексуалларын парадына шәраитин јарадылмасы мәгсәдилә евләри дағыдылан инсанларын вәзијјәтинә индијә кими ајдынлығын ҝәтирилмәмәсидир.
Биз, Тәбризин мүсәлман әһалиси өз шәри вә дини вәзифәләримиз чәрчивәсиндә һабелә, бөјүк тәглид мәрҹәләри вә һөрмәтли имам ҹүмәләрин хүсусилә дә давамлы олараг әразиләринин 20%-и дүшмән ишғалында олан Азәрбајҹан Республикасы һөкумәтинин шиәләрә гаршы јөнәлмиш сијасәтләрә сон вермәсини истәјән Һәзрәт Ајәтуллаһ Мүҹтәһид Шәбистәринин ҝөстәришләрини һимајә мәгсәдилә тәләб едирик ки, бу өлкә халгынын тарихи, мәдәнијјәти вә дини етигадлары илә тәзадда олан рәфтарлара сон гојулсун, гондарма Авровизија маһны мүсабигәси ады алтында Гәрбин позғун мәдәнијјәтинин тәблиғ едилмәси дајандырылсын вә дүнјанын 2-ҹи шиә өлкәсиндә һомосексуалларын парадынын тәшкил едилмәси кими фикирләрә белә гапылмагдан пәһриз едилсин. Әҝәр белә бир сәһвә јол верилмиш оларса, бу јанлыш һәрәкәт Азәрбајҹан халгынын һабелә, Тәбризин вә Иранын диҝәр шәһәрләринин мүсәлман әһалисинин гәзәби илә үзләшмиш олаҹаг.
Озаман,бу гәзәбин гаршысыны алмаг мүмкүн олмајаҹаг.
Биз Тәбриз әһалиси үмид едирик ки, Азәрбајҹан Республикасы президенти ҹәнаб Илһам Әлијев Тәбриз әһалисинин ајдын вә гәтијјәтли хәбәрдарлығыны ешидәрәк, Авровизија маһны мүсабигәси вә Ҝеј Парады ләғв етсин. Бүтүн виҹдан мәһбуслары о ҹүмләдән Ислам Партијасынын рәһбәри ҹәнаб Мөһсүн Сәмәдовун азадлығыны тәмин едәрәк, рәсми Бакынын Ислам дининә гаршы сијасәтләринин көкүндә дуран сионист Исраил режими илә бүтүн әлагәләри кәссин ки, Ислами Ојаныш Һәрәкаты вә Бин Әли, Гәззафи, Һүснү Мүбарәк вә диҝәр диктаторларын талејиндән ибрәт алмыш олдуғуну әјани формада нүмајиш етдирсин.
Сонда Азәрбајҹан Республикасындакы мүсәлман баҹы вә гардашларымыза хитабән елан едирик ки, Ислами Иран халгы хүсусилә дә һәмишә башыуҹа олан Тәбриз әһалиси Азәрбајҹан Республикасында дини вә илаһи дәјәрләрин бәрпа едилмәси јолунда даим онларын кәнарында олаҹаг вә мәзлумларын залымлар үзәриндә гәләбә чалаҹағы һагда илаһи вәдин ҝерчәкләшәҹәјинә инаныр.
Тәбриз әһалиси
8 Мај 2012-ҹи ил
Диггәт: Хәбәрдән истифадә етдикдә мәнбәјә истинад лазымдыр
