Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасы Хариҹи Ишләр Назирлијинин сөзчүсү Рамин Меһманпәрәст бу ҝүн кечирдији һәфтәлик мәтбуат конфрансында дејиб: "Битәрәф Дөвләтләр Һәрәкаты"на (Нон-Алиҝнед Мовемент - NAM) үзв өлкәләрин дөвләт башчыларынын ХVI саммити сентјабр ајынын сонларында Теһранда кечириләҹәк.
Меһманпәрәст бир нечә ҝүн сонра (мајын 9-да) НАМ өлкәләринин ХИН рәһбәрләринин ҝөрүшүнүн Мисирдә кечириләҹәјини вә һәмин иҹласда Теһран саммитинә һазырлыг мәгсәди илә мүзакирәләр апарылаҹағыны дејиб.
"Битәрәф Дөвләтләр Һәрәкаты" формал олараг һеч бир блока аид олмадығыны елан етмиш 118 дөвләтин дахил олдуғу бејнәлхалг тәшкилатдыр.
Онун јарадылмасы идејасы 1955-ҹи илдә Бандонг (Индонезија) конфрансында ирәли сүрүлүб. 1961-ҹи илдә исә Фидел Кастро вә маршал Иосиф Броз Титонун рәһбәрлији илә Југославијада кечирилән конфрансда "Битәрәф Дөвләтләр Һәрәкаты"нын јарадылдығы елан олунуб.
"Битәрәф Дөвләтләр Һәрәкаты"на үзв өлкәләрин башчылары сәвијјәсиндә 15 саммит кечирилиб. Бу һәрәкатын үзвү олан 53 өлкә Африка, 38-и Асија, 26-сы Латын Америкасы вә 1-и Авропадандыр.
Диггәт: Хәбәрдән истифадә етдикдә мәнбәјә истинад лазымдыр
