Әһли Бејт -АБНА- хәбәр аҝентлијинин вердији хәбәрә әсасән Сәудијјә Әрәбистаны һәбсханаларында олан Иран вәтәндашларына гаршы әдаләтсиз мүнасибәтә етиразын билдирилмәси үчүн өлкәнин Теһрандакы сәфири Иран Ислам Республикасы Хариҹи Ишләр Назирлијинә чағрылыб.
Билдирилир ки, етираза Даммам һәбсханасында олан Иран вәтәндашларынын вәзијјәти һагда Әр-Ријадын мәлумат вермәкдән имтина етмәси сәбәб олуб. Бу һәрәкәт Иран Ислам Республикасы тәрәфиндән мәһкумларын һүгуглары үзрә бејнәлхалг конвенсијаларын јеринә јетирилмәмәси кими гијмәтләндирилиб.
СаламНеwс-ун ИрибНеwс-а истинадән вердији хәбәрдә ҝөрә, Иранын Хариҹи Ишләр Назирлијинин Консул вә Иран вәтәндашлары үзрә Мәсәләләр Департаментинин мүдир мүавини Һәсән Кашвари Сәудијјә Әрәбистаны сәфири илә ҝөрүшү заманы проблемлә бағлы нараһатлығыны билдирәрәк, аидијјаты органлары ады чәкилән шәхсләрин талејинә ајдынлыг ҝәтирмәк үчүн тәдбирләр ҝөрмәјә чағырыб.
Иран Ислам Республикасы ХИН-дәки мәлуматлы мәнбә билдириб ки, өтән ики ҝүн әрзиндә мәсәләјә ајдынлыг ҝәтирмәк үчүн Ислам Республикасында вә Сәудијјә Әрәбистанында бир сыра арашдырмалар апарылыб.
Онун сөзләринә ҝөрә, Иранын Хариҹи Ишләр Назирлији өз вәтәндашларынын тәһлүкәсизлији мәсәләләринә ҹидди јанашыр вә һесаб едир ки, Сәудијјә Әрәбистаны һөкумәти бејнәлхалг вә һүгуги мәсулијјәт дашымалыдыр. Бундан әлавә, сөзүҝедән дөвләт мәһкумларын һүгуглары үзрә бејнәлхалг конвенсијалары чәрчивәсиндә өһдәликләринә риајәт етмәлидир.
Диггәт: Хәбәрдән истифадә етдикдә мәнбәјә истинад лазымдыр
