Әһли Бејт -АБНА- хәбәр аҝентлији- Бәзән ҹәмијјәтдә сосиал аддым атылан заман ҹәмијјәтин онлара гаршы мөвгејини нәзәрә алмадан фикирләришәм ки, ҝөрәсән һамы бу аддымы атса иҹтимаи вәзијјәт неҹә оларды? Илк дәфә бу ҹүр фикирләшмәјим мәни ислама бағлады. Белә ки, динләр барәсиндә арашдырма апараркән бәзи христиан фиргәләрдә евләниб нәсил артырманын гадаған олдуғуну биләндә, фикирләшдим ки, әҝәр бүтүн инсанлар бунлардан өрнәк ҝөтүрсә бир нечә ил сонра бәшәријјәтин сону ҝәләҹәк.
Бизим ҹәмијјәтимиз дә елә бир һала салыныб ки өрнәк ҝөтрүләҹәк фәрдләр чох аз тапылыр.Тапыланлар исә мүхтәлиф даирәләр тәрәфиндән чох сыхышдырылыр.
Амма бу ҝүн ҹәмијјәтимизи ифласа вә фәсада чәкәҹәк амилләр өлкәмиздә кифајәт гәдәрдир. Бу истәр игтисади ҝериләмә, истәрсә дә әхлагсызлығын чохлуғу вә әхлага сосиал сифаришин азлығы олсун. Бүтүн бунларын башлыҹа сәбәби мүхтәлиф даирәләрин ҹәмијјәтимиздә әхлагсызлығы адиләшрдирмә истәјидир.
Бу просесин үмдә иш планы олан ҝејләр јолда икән тарговидә сојунанлар пејда олду. Нә гәдәр гәрибә сәсләнсә дә1 апрел “ҝүлүш ҝүнү”нү сәбәб кими ортаја атдылар.Амма адамын ағлына белә бир суал ҝәлир. Ҝөрәсән сојунманын ҝүлүшлә нә әлагәси вар? Ја бу ҝүлмәлидир вә мәндә ағыл нормал ишләмир, ја да ки сојунанларда бу проблем вар. Амма ону билирәм ки, нормал ағыл вә тәфәккүрә малик инсан һеч вахт күчәдә сојунмур.
Лап фәрз едәк ки ҝүлмәлидир. Белә олан һалда һәр ҝүлмәли һәрәкәти иҹтимаијјәтә чыхармаг мәгбул сајыла биләрми? Бәс ҝөрәсән һансы ҝүнүмүзә вә һалымыза ҝүлүрүк? Мүбариз кими оғулларын шәһид олмасына ја ҝејләрә гурбан ҝедәрәк евләри сөкүлән ҹамаатын һалына?
Гајыдаг әввәлки мәсәләмизә. Елә бу мәсәлә дә мәни милли мәнәви дәјәрләримизә садиг бир инсан кими дүшүндүрмәјә билмәз. Амма бу дәфә ҝәлин бир јердә дүшүнәк: “ҝөрәсән бүтүн Азәрбајҹанын ҹаван оғлан вә гызлары бу ҹүр сојунсалар ҹәмијәтимиз һансы һала дүшәр? Вә һәмин јери үмумијјәтлә ҹәмијјәт адландырмаг тәгдирәлајиг оларды, ја отлаг тарласы?”
Ахы ҹәмијјәт о јерә дејирләр ки, орада инсанлар һөкм сүрсүн. Сизҹә бу инсани бир һәрәкәтдирми?
Ҝөрәсән иҹтимаијјәтдә хәҹаләт ҹәкмәдән сојунан гызлары әхлаглы адландырмаг олармы? Вә онлар ҝәләҹәјә нүмунәви бир “ана” кими ҝөрүрсүзмү? Вә ја һәмин вәтән оғуллары адландырдығымыз тәлхәкләри нә адландыраг? Онлармы ҝедиб вәтәнимизин кешијини чәкәрәк гарабағы алаҹаг? Ермәниләр дә бахыб дејирләр ки, әҹәб кишидиләр... онсуз да мавы парады олаҹаг бир өлкәдән бундан артығыны да ҝөзләјән јохдур.
Бу сојунма олајына сәбәб будур ки гаршыдан ҝәлән ҝеј парадыны вә орада олан сојунанлары, өз ҹаванларымызын васитәсилә адиләшдирмәк истәјирләр. Хүласә олараг билмәнизи истәјирәм ки, бу сојунманын вә ҝејләрин ҝәлишинин бир мәгсәди вар. О да әхлагсызлығын өлкәмиздә бир аз да чох рәваҹ тапмасыдыр. Чүнки бир ҹәмијјәт нә гәдәр өз мәнәви дәјәрләриндән узаг дүшсә о милләти даһа асан вә тез әзмәк олар.
Сизҹә бу кимә хејр едир...?
Әкрәм Һаҹызадә
Диггәт: Хәбәрдән истифадә етдикдә мәнбәјә истинад лазымдыр
