Әһли Бејт -АБНА- хәбәр аҝентлијинин вердији хәбәрә әсасән Данимарка Тәһсил Назирлијинин 6-ҹы синифә гәдәр шаҝирдләрә јалныз христиан дини тәдрис едилә биләр тәлиматына бахмајараг, Данимарканын бир сыра мәктәбләриндә биринҹи синиф шаҝирдләринә Ислам дининин әсаслары тәдрис едиләҹәк.
Орһус шәһәринин Сјондерванг мәктәбинин директору Рани Һөрлик бу барәдә ачыглама верәрәк дејиб ки, биз һәр бир мәктәблинин ајры ајрылыгда марагларыны нәзәрә алырыг. Мәктәбимиздә исә тәһсил алан шаҝирдләрин 80%-и мүсәлман аиләсиндә дүнјаја ҝөз ачыблар. Вә онлар өз баҹарыгларыны мәктәбдә нүмајиш етдирмәкдән мәмнундурлар.
Тәһсил назири Кристина Анторини дә мәктәбләрдә Ислам дининин әсасларынын тәдрис едилмәсинә мүхалиф олмадығыны бәјан едиб. Амма шәрт кими әсас дәрс програмында ҝөстәрилдији кими христаианлығын да әсасларынын өјрәнилмәси тәрк едилмәсин.
Диггәт: Хәбәрдән истифадә етдикдә мәнбәјә истинад лазымдыр
