Әһли Бејт -АБНА- хәбәр аҝентлијинин вердији хәбәрә әсасән Вәлијји-фәгиһин Әрдәбил әјаләтиндә нүмајәндәси һөҹҹәтүл-ислам вәл-мүслимин Сејид Һәсән Амили бу һәфтәки ҹүмә намазынын хүтбәләриндә Азәрбајҹан Республикасы дөвләтинин исламофобија вә анти-шиә сијасәт үслубунун давамына ишарә едәрәк, Азәрбајҹан Республикасында бир нечә диндарын һәбсини Бакы дөвләти үчүн чох утандырыҹы бир һәрәкәт адландырды вә һәбс едилән диндарларын тәгсирину тәкҹә өз дини вәзифәләринә әмәл едәрәк, әмр бе мәруф етмәләри олдуғуну билдирди.
Әрдәбилин имам ҹүмәси Бакы дөвләтинин башчыларыны реҝиондакы деврилмиш диктаторларын агибәтиндән ибрәт ҝөтүрмәјә чағырды вә сонра бүтүн мүсәлманлар үчүн дуа етди: "Арзу едирик ки, тәзә илдә бүтүн мүсәлманлар гәрб вә секүлар режимләрә бағлы диктатор һөкумәтләринин бојундуруғундан азад олсунлар. Ислами ојанышын далғалары анти-Ислам дөвләти Азәрбајҹаны да бүрүјәҹәк".
Рәһбәрин Хүбриган Мәҹлисинин нүмајәндәси хүтбәләринин давамында Ирагдакы сон партлајышлары писләди вә Ирагда сон вахтлар баш верән террор әмәлијјатларынын сионист режим вә бир сыра әрәб шејхләринин, әсасән дә Сәудијјә Әрәбистанынын һимајәси илә төрәдилдијини бәјан едәрәк деди: "Өтән илләр әрзиндә Ирагда шиә гырғынлары јалныз шиә етигады вә тәлимләри үзәриндә гурулан бир дөвләтин иш башына ҝәлмәсинин гаршысыны алмаг мәгсәдилә төрәдилиб".
Диггәт: Хәбәрдән истифадә етдикдә мәнбәјә истинад лазымдыр
