Әһли Бејт -АБНА- хәбәр аҝентлијинин вердији хәбәрә әсасән Азәрбајҹанда һамынын еһтијјат етдији әлијевләр режими полисләринин дә проблеми вар. Сабунчуда тәгаүдә чыхан режим кешикчиләри евләриндән говулур, онлара 3 ај вахт верибләр.
Бу барәдә сабиг полисләрдән бири дејиб ки, Бакыханов гәсәбәси, Меһмандаров күчәси, бина 8 һәмишә ДИН-нин Баш Мүһафизә Идарәсинин балансында олуб: “Биз 20 аиләнин әксәријјәти Әфганыстан вә биринҹи Гарабағ мүһарибәсинин иштиракчысыјыг. Бәли, һазырда пенсијадајыг, амма узун илләрдир полисдә ганунчулуғун кешијиндә дајанмышыг. Вахтында мәнзил ала билмәдијимиздән ДИН-нин Баш Мүһафизә Идарәсинин Һәрби-Мүлки Мүһафизәси бизи бу бинаја јерләшдириб. Мүтәмади олараг коммунал вә башга өдәнишләри вермишик. Аҹынаҹаглысы одур ки, бизә мәнзил вермирләр, дејирләр ки, ҝедин башыныза чарә гылын”.
Шикајәтчи дејир ки, бинанын биринҹи мәртәбәсиндә јерләшән полис бөлмәси үчүн јени бина инша олунур. Һәмин мәртәбәни өз нәзарәтинә кечирмәк истәјән полис мәмурлары арасында да проблемин јашанмајаҹағына һеч ким тәминат верә билмәз.
Мараглы мәгамлардан бири дә одур ки, сабиг полисләрә мәнзилләриндән “Полис Ҝүнү”нә гәдәр чыхмаг ҝөстәриши верилиб: “Әкс тәгдирдә, онлар кечмиш һәмкарларынын тәзјиги нәтиҹәсиндә мәнзилләрини тәрк етмәли олаҹаглар. Бу ултиматив бәјанатдан сонра һәтта полисләрдән биринин ханымы өзүнү ејвандан атмаг истәјиб, анҹаг јахынлары она мане олуб”-дејә мәнбә вурғулајыб.
Натиг ҸАВАДЛЫ
Диггәт: Хәбәрдән истифадә етдикдә мәнбәјә истинад лазымдыр
