Әһли Бејт -АБНА- хәбәр аҝентлијинин вердији хәбәрә әсасән Ҝәнҹә шәһәрини тәмирә дајандыран иҹра башчысы Елмар Вәлијевин өзүнә мәхсус идарәетмә гајдалары вар. Онлардан бири тикинти мејданчасыны хатырладан Ҝәнҹәјә иҹра башчысынын әввәл ишләдији Јевлах рајонундан ишчи гүввәси ҹәлб етмәсидир. Шәһәр сакинләрдән алдығымыз мәлумата ҝөрә, тәмир-тикинти саһәләриндә јерли сакинләрдән өзүнә иш тапанлар олдугҹа аздыр.
Сөкүнтү кампанијасынын әввәлиндә һеч кимә ҝүзәшт етмәјән Елмар Вәлијев сонрадан «јумшалыб». Инди «плана» дүшән тиҹарәт, бизнес објектиләри шәһәр рәһбәрлији илә дил тапа билирләр. Мәнбә билдириб ки, артыг белә «анлашмаларын» сајы јүзләрләдир. Иш адамлары иҹра башчысынын јаратдығы «дәһлиздән» кечәрәрәк әмлакларыны горумаға наил ола билирләр.
Еви, тиҹарәт көшкләри дағыдылмыш минләрлә аиләнин исә шикајәтләринә мәһәл гојулмајыб. Онларын әксәријјәтинә компенсасија верилмәјиб.
Хатырладаг ки, Ҝәнҹә шәһәринин јенидән гурулмасы үчүн илкин олараг 200 милјон манат вәсаит ајырылыб. Бундан башга президентин еһтијјат фондундан да 10 милјон манат вәсаитин ајрылмасы барәдә сәрәнҹам вериб.
Елмар Вәлијевин даһа бир хүсусијјәти иҹра һакимијјәтиндә јени субардинасија гајдалары јаратмасыдыр. Табелјиндә олан мәмурлары тез-тез сәрт шәкилдә данлајан иҹра башчысы Ҝәнҹәдә шәхсијјәтә пәрәстишин јени нүмунәсини јарадыб.
Мәнбә буна мисал кими мараглы бир хәбәр ачыглајыб. Бу илин әввәлиндән феврал ајынын орталарына гәдәр хариҹи өлкәләрин бириндә мәзунијјәтдә олан Е.Вәлијевин Ҝәнҹәјә дөнүшү «мөһтәшәм» олуб. Шәһәрин бүтүн мәмур тәбәгәси, иш адамлары Ҝәнҹәнин ҝиришиндә Елмар Вәлијевин пишвазына чыхыблар. Мәнбә иҹра башчысынын дөвләт башчысы кими автомобилдән ишчиләринә әл еләјәрәк шәһәрә дахил олдуғуну дејир.
Ҝәнҹәдә сөкүнтүләр заманы күтләви аксијалар кечирилмәсә дә шәһәрдә јерли һакимијјәтә гаршы бөјүк наразылыг вар. Ишсизлик, мәмур өзбашыналығы, әһалинин әмлакынын вәһшиҹәсинә дағыдылмасы, иш адамларынын сојулмасы инсанларын сәбр касасыны дашырыб. Мәнбә тәдбирләр ҝөрүлмәсзә Ҝәнҹәдә күтләви етиразларын олаҹағыны гачылмаз һесаб едир.
Е.Елнуроғлу
Диггәт: Хәбәрдән истифадә етдикдә мәнбәјә истинад лазымдыр
