Әһли Бејт -АБНА- хәбәр аҝентлијинин вердији хәбәрә әсасән Иҹтимаи Палата “Ҝәнҹләрин Һүгугларыны Мүдафиә Комитәсинин” 17 март аксијасыны дәстәкләјир. Бу барәдә ИП-нин Координасија Шурасындан мәлумат верилиб.
Иҹтимаи Палата һесаб едир ки, өлкәдә демократијанын бәргәрар олмасынын бир јолу да Азәрбајҹан ҝәнҹлијинин фәал мөвге нүмајиш етдирмәсиндән, иҹтимаи- сијаси просесләрдә актив иштиракындан кечир.
Бу мәгсәдлә тәшкилатын Координасија Шурасы мартын 17-дә ҝәнҹләрин бир араја ҝәләрәк конститусион һүгугларындан истифадә едәрәк аксија кечирмәсини позитив һадисә кими дәјәрләндирир.
Иҹтимаи Палата бүтүн ҝәнҹлији 17 март митингинә диггәт ајырмаға, өлкәнин көклү проблемләринә биҝанә галмајараг һүгуг вә азадлыгларын мүдафиәси үчүн тәшкил едилән митингдә иштирака чаҝырыр.
Иҹтимаи Палата Азәрбајҹан һөкумәтинә дә чағырыш едәрәк ҝәнҹләрин сәрбәст топлашмаг һүгугуна һөрмәт бәсләмәји, онларын динҹ вә манеәсиз аксија кечирмәсинә шәраит јаратмағы тәләб едир.
Ниҹат
Диггәт: Хәбәрдән истифадә етдикдә мәнбәјә истинад лазымдыр
