Әһли Бејт -АБНА- хәбәр аҝентлији- Имам Әли ибн Муса әр-Рзанын (әлејһис сәлам) һәрәминин мәсулларындан биринин сһиа-онлине сајтына вердији хәбәрә ҝөрә әһли-сүннәт алимләриндән бири Имам Рзанын (әлејһис сәлам) һәрәминдә шәфа тапыб.
О дејиб ки, Әфганыстанын Һерат шәһәринин мәсҹидләриндән биринин имам ҹамааты олан Мөвләви Султан Мәһәммәд атероскрелоз (үрәк дамарларынын тутулмасы) хәстәлијиндән әзијјәт чәкирмиш. Бир мүддәт өнҹә о јухуда Һәзрәти Имам Рзаны (әлејһис сәлам) ҝөрүр ки, Имам Рза (әлејһис сәлам) ону Мәшһәдә зијарәт етмәјә дәвәт едир вә шәфасыны верәҹәјини билдирир. О јухудан ајыланда јухусуна әһәмијјәт вермир вә мүалиҹә үчүн Пакистана ҝетмәји нәзәрдә тутур. Амма јенә јухуда Һәзрәти Имам Рзаны (әлејһис сәлам) ҝөрүр ки, јенә ону Мәшһәдә дәвәт едир.
Мөвләви Султан Мәһәммәд дилиндән рәвајәт едән һәрәмин мәсул ишчиси даһа сонра дејиб ки, һәнәфи мәзһәбиндә олан Султан Мәһәммәд ҝөрдүјү јухуну дост-танышына данышыр вә бәзиләри она “ширк етмә” төвсијәси едирләр. Амма о Мәшһәди зијарәт едәҹәјини гәтиләшдирир вә 168 нәфәрдән ибарәт бир карвана гошулараг Мәшһәдә зијарәтә ҝәлир.
Мөвләви Султан Мәһәммәд бахмајараг ки, Мәшһәддә һеч вахт олмајыб вә Имам Рзанын (ә) һәрәмини зијарәт етмәјиб һәрәмә дахил олан заман һәрәм она доғма вә таныш ҝәлир вә јухуда елә бу һәрәми ҝөрдүјүн хатырлајыр. Һәтта Имам Рзанын (әлејһис сәлам) ҝөзәл симасыны һарада ҝөрдүјү јери дә ахтарыб тапыр. Үч ҝүн һәрәми тәрк етмәјиб ибадәтлә мәшғул олур. Үч ҝүндән сонра карван јолдашларым ону һәрәмдә тапыб дејирләр ки, бәс сән хәстәсән ҝәл ҝедәк бир өзүнү һәкимә ҝөстәр. Јол ҝәлмишик јол сәнә пис тәсир едә биләр... Амма о дејир ки, мән артыг шәфа тапмышам вә һәкимә еһтијаҹ дујмурам. Лакин онларын чох исрар етмәсини ҝөрүб һәкимә мүраҹиәт едир ки, һәким онун үрәјиндә һеч бир проблемин олмадығыны билдирир.
Гјд едәк ки,Мөвләви Султан Мәһәммәд һәфтәнин ҹүмә ҝүнү Гума сәфәр етмәји планлашдырыр ки, орада дин алимләри вә мәрҹеи-тәглидләрлә дә ҝөрүшсүн.
Диггәт: Хәбәрдән истифадә етдикдә мәнбәјә истинад лазымдыр
