Әһли Бејт -АБНА- хәбәр аҝентлији- Азәрбајҹан Ислам Партијасы сәдринин һәбсиндән бир ил өтмәсинин ардынҹа бу дәфә доктор Мөвсүм Сәмәдовун јерлиләри Азәрбајҹан Республикасында халг һәрәкатларыны башлајанлар һесаб олунур.
Һаҹы Мөвсүм Сәмәдов 1965-ҹи илдә Губа шәһәриндә (Азәрбајҹан Республикасы пајтахты Бакы шәһәринин 170 км-дә) анадан олмушдур. 2007-ҹи илдән Азәрбајҹан Ислам Партијасына сәдирлији өһдәсинә алмышдыр. Һазырда һәбсханда олса да Азәрбајҹан Республикасында сијаси һәрәкатын рәһбәри һесаб олур. Доктор Сәмәдов 2011-ҹи ил јанварын 2-дә өз шүҹаәтли чыхышы илә Бакы дөвләтинин сијасәтләрини Мүавијә вә Језид сијасәтләринә охшатды вә бу да азәри диндарларын Бакы дөвләтинин анти-Ислам сијасәтләринә гаршы мүгавимәт һәрәкатынын башланғыҹы олду. АИП сәдринин һәбсиндән бир ил өтмәсинин ардынҹа бу дәфә доктор Мөвсүм Сәмәдовун јерлиләри Азәрбајҹан Республикасында халг һәрәкатларыны башлајанлар һесаб олунур.
Азәрбајҹан Республикасы експерт вә сијаси фәалларынын ачыгламаларына әсасән, Губа иҹра башчысынын губа ҹамаатыны тәһгир етмәсинин вә тәгрибән 10 ҝүн бундан өнҹә Азәрбајҹан Республикасы Президентинин Губа јәһудиләри илә ҝөрүшүнүн ардынҹа башлајан Губа халг гијамы, бу өлкәдә дөвләт әлејһинә үмуми гијамлара чевриләҹәк.
Губа рајонунун иҹра һакимијјәтинин башчысы Рауф Һәбибовун 22-си нојабрдакы чыхышынын “Јоутубе”дә видеосунун јајылмасы вә ҝөрүнтүләрдә иҹра башчысынын губалыларын үнванына бир сыра иттиһамлар, ашағылајыҹы ифадәләр сәсләндирмәси, онлары дөвләти сатан адландырмасы Губа халгынын Иҹра Һакимијјәтинин бинасына вә иҹра башчысынын шәхси вилласына һүҹум едәрәк јандырмаларына сәбәб олду.
Иҹра башчысынын истефасы вә үзүрхаһлығы дини вә сијаси тәзјигләрә наразылыгдан вә иҹтимаи әдаләтсизликдән сәрчешмәләнән бу етиразлары һәлә дә сөндүрә билмәјиб.
Халг Ҹәбһәси вә Мусават партијаларынын рәһбәрләри Әли Кәримли вә Иса Гәнбәр билдирдиләр ки, "Губа гијамы" Азәрбаҹан Республикасынын бүтүн халгынын символудур вә тезликлә бүтүн өлкәни бүрүјәҹәк. Дөвләт рәһбәрләри өз сијасәтләрини дәјишмәјинҹә хошаҝәлмәз нәтиҹәләрлә үзләшәҹәкләр.
Азәрбајҹан Ислам Партијасы Губа һадисәләри илә бағлы бајанат јајды. Бәјанатда дејилир: "Бу етиразларла өлкәдә ҝүнаһсыз инсанларын ҹәзаландырылмасы, ҹинајәткарларын ҹәзасыз галмасы өз фәсадыны ҝөстәрди". Бәјанатда ишарә олунур ки, Губа шәһәриндә баш верән һадисәләр сүбут едир ки, өлкәдә вәтәндашларын ишләринин идарәси вә талеһи гејрәтли вә ағыллы инсанлара тапшырылмајыб.
Сөзсүз ки, Азәрбајҹан Республикасында баш верән сон һадисәләр, әсасән дә Бакы вә диҝәр шәһәрләрин диндарларынын һиҹаб гадағасына вә Бакы дөвләтинин диҝәр исламофобија сијасәтләринә етиразлары, Губада баш верән сон һадисәләр бу кичик мүсәлман өлкәсинин дә Орта Шәргин мүсәлман өлкәләри кими иҹтимаи-сијаси дәјишикликләр астанасында олдуғундан хәбәр верир.
Диггәт: Хәбәрдән истифадә етдикдә мәнбәјә истинад лазымдыр
