Әһли Бејт -АБНА- хәбәр аҝентлијинин вердији хәбәрә әсасән Азәрбајҹанлы журналист, киношүнас Сәдагәт Камал Иран Ислам Республикасынын президенти Маһмуд Әһмәдинежадла ҝөрүшүб.
Ҝөрүш Теһранда “Фәҹр” Филм Фестивалынын тәнтәнәли ачылыш мәрасими олуб. Мәрасимдә Азәрбајҹан нүмајәндәләри дә иштирак едиб. Тәдбир чәрчивәсиндә онларын Иран Ислам Республикасынын президенти Маһмуд Әһмәдинежадла ҝөрүшү кечирилиб.
Азәрбајҹаны тәмсил едән киношүнас Сәдагәт Камал фестивалла бағлы тәәссүратларыны бөлүшүб: "Фәҹр Филм Фестивалынын тәнтәнәли ачылыш олду. Ачылыша өлкә президенти Маһмуд Әһмединежад да ҝәлмишди. Онунла шәхсән үнсијјәт гурмаг имканы әлдә етдим. Әһмединежад Азәрбајҹан дилиндә “Азәрбајҹан халгына саламларымы ҹатдырын, мән онлары чох севирәм” сөјләди вә әлини үрәјинин үстүнә гојуб, “Үрәкдән севирәм” дејә вурғулады. Мән исә “Мән дә сизә үрәкдән инанырам” дејә ҹаваб вердим."
Фестивалын програмына бир чох тәдбирләр, о ҹүмләдән дә ”Һолливудизм вә Дүнја киносу конфрансы” да дахил иди. Конфрансда танынмыш политологлар, алимләр, кинематографчылар вә журналистләр гатылмышды.
Фестивалын номинасијалары беш бөлмәдә верилиб. "Дүнја Панорамасы", јәни бејнәлхалг кино јарысмашы үзрә ән јахшы филм мүкафаты, "Бүллур Сумург" мүкафатына “Өмәр мәни өлдүрдү” филминин франсалы режиссору Раҹит Боҹаребе саһибләнди. "Ән јахшы актјор" номинасијасында канадалы актјор Дерек Тидд галиб ҝәлди. "Ән јахшы ссенари" үзрә мүкафат “Лондон чајы” филминин Франса, Әлҹәзаир, Британијадан олан мүәллифләрә верилди. Иранын танынмыш режиссору Меһруҹи "Ән јахшы филм"ә ҝөрә "Иман" мүкафатына лајиг ҝөрүлдү. "Ислами инсани һагглары" мүкафаты режиссор Первиз Шејхин "Һәјатын ҝүнләри" филминә верилди. "Гызыл Бајраг – Мустафа Аккад" мүкафаты исә Меһди Саббагзадәнин “Һаггын дәрҝаһына ҝедән јол” филминә верилди.
Диггәт: Хәбәрдән истифадә етдикдә мәнбәјә истинад лазымдыр
