Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасы хариҹи ишләр назирлији сөзҹүсү, Рамин Меһманпәрәст Исраил сәфирликләринә едилән һүҹумлара мүнасибәт билдирәркән дејиб ки, Јени Делһидәки вә Тифлисдәки Исраил дипломатларына һүҹумларда Иранын әли олдуғу иддиалары ифтирадыр. Фикиримизҹә сионист режим вә онун һимајәчиләри террор һадисәләринин әсл ҝүнаһкарларыдыр. Ираны сон һадисәләрлә әлагәләндирмәк тамамилә әсассыздыр. Сионист режим вә һимајәчиләри, бу ҹүр террор һадисәләри илә маҹәрачы вә тәһлүкәли дүшүнҹәләрин архасындадырлар.
Меһманпәрәст, "Дүнјада террорун мәнбәји сионист режимидир. Бу гејри гануни режим өз варлығы террор горујур. Иран Ислам Республикасынын ән бөјүк террор гурбанларындан биридир.", - дејә билдириб.
Бундан әлавә Иран Мәҹлисинин Милли тәһлүкәсизлик вә хариҹи сијасәт комитәсинин сәдр мүавини Исмаил Косари гејд едиб ки, Исраилин Һиндистан вә Ҝүрҹүстандакы сәфирликләриндә баш верән террор актларыны Исраилин өзү тәшкил едиб вә Иранын бу мәсәләјә һеч бир аидијјаты јохдур. Мүвафиг тактика узун мүддәт Гүдсү ишғал едән дөвләтин дүнја иҹтимаијјәти гаршысында өзүнү тәмизә чыхартмаға ҹәһдләринин бариз нүмунәсидир. Исраил һөкумәти бундан әввәләр дә өзүнә гаршы актлар төрәдиб вә сонра диҝәр дөвләтләри иттиһам едиб, хүсусән дә Ираны. Ҝәләҹәк ҝөстәрәҹәк ки, Исраил сәфирликләриндә баш верән партлајышлар Исраилин өзү тәрәфиндән тәшкил олунуб.
Емин Нәсирли
Диггәт: Хәбәрдән истифадә етдикдә мәнбәјә истинад лазимдир
