Әһли Бејт -АБНА- хәбәр аҝентлијинин вердији хәбәрә әсасән Норвечин “Статоил” ширкәти Авропа Бирлијинин (АБ) санксијаларына бахмајараг, Иран Ислам Республикасдан тәбии газ алмагда давам едәҹәк.
Бу барәдә ширкәтин мәтбуат хидмәтиндән хәбәр верилиб.
Ејни заманда “Статоил”дан Иран Ислам Республикасыла әввәлки сазишләрин гүввәдә олдуғу вә бу бахымдан тәбии газ алмаға давам едиләҹәји билдирилиб.
Бундан әлавә, Италјанын ЕНИ фирмасы да АБ-нин санксијаларына бахмајараг, Иран Ислам Республикасдан нефт идхалыны давам етдирәҹәјини ачыглајыб.
Ширкәтдән 2000 вә 2001-ҹи илләрдә бағланмыш мүгавиләләрлә әлагәдар Ирандан 1.5 милјард долларлыг алаҹағы олдуғу, она ҝөрә дә Теһрандан нефт идхалынын давам етдириләҹәји вурғуланыб.
Бу сәбәбдән ЕНИ фирмасынын АБ санксијаларындан кәнарда галдығы билдирилиб.
Һәмчинин Ҹәнуб Африка Республикасынын (ҸАР) МТН фирмасы да Ирана тәтбиг олунан јени санксијалара гошулмајаҹаг.
Ширкәтдән Ирана тәтбиг олунмуш санксијанын бу өлкә илә әмәкдашлыға тәсир ҝөстәрмәјәҹәји вурғуланыб.
Телекоммуникасија секторунда фәалијјәт ҝөстәрән ҸАР фирмасындан Иран Ислам Республикасыла әмәкдашлыға сон гојулмасы үчүн тәзјигләрә мәруз галдығы, анҹаг һазырда Теһрандан нефт идхалыны дајандырыб-дајандырмајаҹағы барәдә гәрар гәбул едилмәдији билдирилиб.
Диггәт: Хәбәрдән истифадә етдикдә мәнбәјә истинад лазымдыр
