Әһли Бејт -АБНА- хәбәр аҝентлијинин вердији хәбәрә әсасән: Милли Тәһлүкәсизлик Назирлијинин тәҹридханасында сахланан “islamazeri.az” сајтынын баш редактору Рамин Бајрамовун истинтагы јекунлашыб. Јанварын 26-дан вәкил Рамил Мәммәдов вә баш редактор үч ҝүн әрзиндә иш материаллары илә таныш ола биләҹәкләр.
Рамил Мәммәдов “Медиа форум” сајтына дејиб ки, јанварын 25-дә һүгугларыны мүдафиә етдији шәхслә ҝөрүшүб: “Сәһһәти вә сахландығы јерлә бағлы һеч бир шикајәти јохдур”.
Вәкил әлавә едиб ки, иш материаллары илә танышлыг битәндән сонра мәһкәмә тәјин олунаҹаг.
Гејд едк ки, Рамин Бајрамов өтән илин августунда МТН тәрәфиндән зоракылыгла сахланылмышдыр. Ону Ҹинајәт Мәҹәлләсинин 234.1 (Сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) вә 228.1-ҹи (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) маддәләри илә шәрләјәрәк һәбс етмишләр.
Хатырладаг ки, Республика Нарколожи Диспансери Рамин Бајрамов һаггында рәј вериб. Рәјә ҝөрә, о, наркотик маддә истифадәчиси дејил.
Јанварын 9-да истинтаг Рамин Бајрамовун сонунҹу диндирмәсини һәјата кечириб. Һеч бир ағырлашдырыҹы иттиһам олмајыб.
Диггәт: Хәбәрдән истифадә етдикдә мәнбәјә истинад лазымдыр
