Әһли Бејт -АБНА- хәбәр аҝентлијинин вердији хәбәрә әсасән әлијевләр режими, 2012-ҹи илин мајында Бакыда кечирилмәси планлашдырылан 57-ҹи “Еуровисион” позғунчулуг мүсабигәсиндә иштирак етмәк үчүн өлкәмизә ҝәләҹәк бүтүн үздәнирагларын тәһлүкәсизлији үчүн јазылы тәминат вериб. Баш назирин әлагәдар мәктубунда хүсуси вурғуланыр ки, “Еуровисион” позғунчулуг јарышмасы заманы мәтбуат нүмајәндәси вә азаркеш кими ҝәләҹәк бүтүн үздәнираглар Авропа Инсан Һаглары Конвенсијасына ујғун ифадә вә сәрбәст топлашма азадлыглары тәмин едәҹәк. Бу тәминаты верәнләр һәлә дә Елмар Һүсејнов, Раил Рзајевин гатилләрини тапа билмәјиб.
10 ил әввәл Азәрбајҹан Авропа Шурасына үзв оларкән рәсми Бакы өз үзәринә бир јығын өһдәлик ҝөтүрсә дә, онларын әксәријјәти елә кағыз үзәриндә дә галды.
Азәрбајҹан инсаныны нараһат едән даһа ҹидди проблем ондан ибарәтдир ки, бу үздәнрагларын маһны јарышмасына “ләјагәтлә” ев саһиблији етмәк пәрдәси алтында әлијевләр режими јенидән он вә јуз милјонларла манат нефт ҝәлирләрини ҝөјә совураҹаг вә һәмин мәбләғин дә бир хејли һиссәси, сон нәтиҹәдә, мәмур-олигархларын шәхси банк һесабларыны даһа да зәнҝинләшдирәҹәк.
Тәшкилатчы гурум ЕБУ јарышманы гәбул едән өлкәјә мүсабигәнин “нүмунәви” бүдҹәсини тәгдим едир ки, бурада да јалныз ән зәрури хәрҹләр, илк нөвбәдә, сәһнәнин лазымы аваданлыгларла тәһҹиз олунмасы өз әксини тапыр. Бу хәрҹләрин 50%-ни ЕБУ өз үзәринә ҝөтүрүр. Галан јарысыны исә өлкә өз имканлары һесабына малијјәләшдирмәлидир. Бир мәгама хүсуси диггәт јетирмәк лазымдыр ки, өлкә “нүмунәви” будҹәнин 50%-дән аз вәсаит хәрҹләјә билмәз. Лакин хәрҹләрин јухары һәдди мүәјјәнләшдирмәјиб. Бу исә бәзи өлкәләрә хүсусилә “әл-гол” ачмаг имканы јарадыр.
Белградда кечирилән “Еуровисион-2008” мүсабигәсинин ЕБУ тәрәфиндән мүәјјәнләшдирилмиш “нүмунәви” бүдҹәси 6,2 милјон авро тәшкил едирди. Бу о демәк иди ки, Сербија мүсабигәнин тәшкилинә минимум 3,1 милјон авро хәрҹләмәлидир. Һалбуки, реал ҝерчәкликдә Сербија тәрәфи 3,1 әвәзинә 6,2 милјон авро, јәни “лимит”дән 2 дәфә чох вәсаит хәрҹләди. Белграддакы маһны мүсабигәсинин үмуми бүдҹәси исә 9,1 милјон авро тәшкил етди.
Һеч бир шүбһә јохдур ки, бөјүк коррупсија тутумлу бу тип лајиһәләрин сөзүн һәгиги мәнасында “вурғуну” олан әлијевләр режими ЕБУ-нун мүәјјәнләшдирдији “лимити” он, бәлкә дә јүз дәфәләрлә үстәләмәјә чалышаҹаг. Бу бахымдан “Еуровисион-2012” маһны мүсабигәси Азәрбајҹанын игтидар мәнсублары, илк нөвбәдә дә, мәмур-олигархлара даһа да зәнҝинләшмәк үчүн әлверишли имкан јарадыр.
Бундан әлавә, Бакы шәһәриндә биналарын фасадларынын тәмири, ишыгландырылмасы вә әһалинин көчүрүлмәси үзрә ишләр “Еуровисион”а һазырлығын тәркиб һиссәси һесаб олунараг, бунларын реаллашдырылмасына дөвләт бүдҹәсиндән јалныз 2011-ҹи илин икинҹи јарысы үчүн 198,19 милјон манат вәсаит ајрылыб. Һесабламаг чәтин дејилдир ки, тәкҹә бу үч истигамәтдә ишләрин ҝөрүлмәсинә 318,19 милјон манат (408 милјон АБШ доллары) вәсаит хәрҹләнмәси нәзәрдә тутулур.
Експерт групу
Диггәт: Хәбәрдән истифадә етдикдә мәнбәјә истинад лазымдыр
