Мәлум олдуғу кими, Күвејт-Азәрбајҹан Парламентләрарасы Достлуг Групунун рәһбәри, доктор Вәлид әт-Табатабајинин рәһбәрлик етдији нүмајәндә һејәти Бакыда оларкән Милли Мәҹлисдә Күвејтлә достлуг групунун рәһбәри, милләт вәкили Чинҝиз Әсәдуллајевлә ҝөрүшүндә чох ҹидди бәјанатлар сәсләндирмишди. Һәмин әрәфәдә јајылан мәлуматларда дејилирди ки, Вәлид әт-Табатабаји ҝөрүшдә тәкҹә гаршылыглы достлуг әлагәләриндән данышмајыб. Елә хәбәрләрдә дә билдирилирди ки, о, Бакыдакы “Әбу Бәкр” мәсҹидинин фәалијјәтинин дајандырылмасы Күвејтин хејријјә фондларынын Азәрбајҹандакы ишинә мәнфи тәсир ҝөстәрә биләҹәјини дә хүсуси олараг вурғулајыб.
Әслиндә бу фактын өзү чох ҹидди мәгамлардан хәбәр вермәкдәдир. Сөһбәт Азәрбајҹанда фәалијјәтдә олан вәһаби иҹмаларынын архасында дуран гүввәнин рәсмән өзүнү ачыға чыхармасындан ҝедир. Чүнки бу вахта гәдәр Азәрбајҹан вәһабиләри илә бағлы мәтбуатда чох гаранлыг тәәссүратлар вар иди.
Әслиндә Вәлид әт-Табатабајинин вәһабиләрә бу шәкилдә саһиб чыхмасы һәм дә диҝәр мүһүм бир мәгамы ортаја чыхармыш олур. Мәлум олур ки, вәһабиләр Азәрбајҹанда өзбашына дејилләр вә онларын фәалијјәти үчүн рәсми Бакынын гејри-рәсми иҹазәси вар. Вә елә буна ҝөрә дә Вәлид әт-Табатабаји һәтта рәсми Бакыны шантаж едә биләҹәк сәвијјәдә мөвге ортаја гојур.
Бу барәдә дахил олан мәлуматларда вурғуланыр ки, Вәлид әт-Табатабајинин бу тонда днышығы сәбәбсиз дејил: «Күвејт дөвләтинә аид хејријјә фондлары тәрәфиндән Азәрбајҹан мәмурларына јахын структурлара ил әрзиндә 200 милјон доллара јахын пуллар көчүрүлүр».
Мәнбәмизин ачыгладығы бу фактын өзү белә дәһшәтли мәнзәрәни ортаја гојур. Јәни әҝәр вәһабиләр һәгигәтән дә Азәрбајҹан дөвләтчилији үчүн тәһлүкә мәнбәји һесаб олунурларса, о заман бу тәһлүкәјә шәраит јарадан елә ајры-ајры мәмурлардыр. Әслиндә бу ишин арашдырылмасына еһтијаҹ вар.
Хатырладаг ки, Вәлид әт-Табатабаји «Әбу-Бәкр» мәсҹидинин бағланмасындан данышаркән бунлары да сөјләјиб: «Бу мәсҹиддә бир чох инсан ибадәт едирди. О инсанлар террор һадисәси төрәдән ҹинајәткарлара ҝөрә мәсулијјәт дашымамалыдыр. Һесаб едирәм ки, бу мәсҹидин фәалијјәт ҝөстәрмәмәси ҝәләҹәкдә Күвејтин Азәрбајҹанда хејријјәчилик фәалијјәтини дә дајандыра биләр», - дејә о гејд едиб.
Ч.Әсәдуллајев исә билдириб ки, Азәрбајҹан Ҹәнуби Гафгазда ән толерант өлкә сајылыр. Депутат “Әбу Бәкр” мәсҹиди илә бағлы мәсәләјә дә ајдынлыг ҝәтириб: «Бу мәсҹиддә террор акты төрәдилмиш, нәтиҹәдә инсанлар һәлак олмуш вә јараланмышды. Истинтаг индијә гәдәр давам едир. Истинтагы баша чатдыгдан сонра мәсҹидин фәалијјәти бәрпа олунаҹаг. Сиз Азәрбајҹанда 70-ә јахын мәсҹид тикмисиниз, бу ҝүн онларын һамысы фәалијјәт ҝөстәрир».
Һәр ики фикирдән дә ајдын олур ки, Азәрбајҹан тәрәфи үвејт гаршысында изаһат верәҹәк сәвијјәдә мәсулдур. Бу исә мәнбәмизин сөјләдикләринин бир нөв тәсдиги кими дә гәбул едилә биләр. Диҝәр тәрәфдән бу полемика һәмчинин Азәрбајҹанда вәһабиләрә ҝениш - сәрһәдсиз һаггларын танынмасынын да сүбуту кими гәбул едилә биләр. Һәр һалда, азәрбајҹанда һеч бир әнәнәви дини ҹәрәјанын сон илләр әрзиндә 70 мәсҹид инша етдирмәсинә иҹазә верилмәјиб. Әксинә, бу ҝүн чохлуг тәшкил едән мәзһәбләрә аид ибадәт евләринин фәалијјәтинин анҹаг дурдурулмасы илә бағлы хәбәрләр артмагдадыр. Бу исә истәнилән һалда гаранлыг мәгамларын мөвҹудлуғуна ишарә кими гәбул едилмәлидир.
Бу барәдә редаксијамыза мәлумат верән һөкумәт ичиндәки гајнаглар да тәсдигләјир ки, вәһабиләри Азәрбајҹанда һимајә едән конкрет гүввәләр вар: «Мәлумдур ки, вәһабиләрә гаршы гадаға мәсәләси дә һакимијјәтичи груплашмаларын тоггушма предметинә чеврилмишди. Һәлә «Әбу-Бәкр»дә мәлум террор актынын баш вермәси заманы бәзи мәмурларын вәһабиләрин мүдафиәсинә галхмасы барәдә јајылан хәбәрләри тәсадүфи һесаб етмәк олмаз».
Мәнбәмизин сөзләринә ҝөрә, һәр ил бирбаша олараг Президент Администрасијасына јахын даирәләрә вәһабиләрин раһат шәкилдә фәалијјәт ҝөстәрә билмәләри үчүн 200 милјон маната јахын пул - рүшвәт чатдырылыр. Бу пулун гаршылығында нәләрин баш вердијини артыг кимсәјә изаһ етмәјә лүзум јохдур. Вәһабиләрин Бакыдакы лидерләриндән олан Шејх Гамәтин дедији кими, әҝәр бир зүмрә ҹүмә намазына 10 минә јахын инсан чыхарырса, артыг реал гүввәдир. Вәһабиләрин реал гүввәјә чеврилмәсинин исә Азәрбајҹан дөвләтинин милли марагларына һансы дәрәҹәдә вә әһәмијјәтдә тәһлүкә олдуғу да мәлум мәсәләдир.
Мәлуматлы мәнбәмиз бу мәгамлары хүсуси олараг вурғуламагла јанашы, ону да билдирди ки, артыг Вәлид әт-Табатабајини гәзәбләндирән проблем һәлл олунмаг үзәрәдир: «Тәхминән ики ајдан сонра «Әбу-Бәкр» мәсҹиди јенидән фәалијјәтини бәрпа едәҹәк. Бу барәдә истинтагы апаран гурумлара да хәбәрдарлыг едилиб вә мәлум террор акты илә бағлы һүгуги арашдырмаларын тәҹили шәкилдә јекунлашдырылмасы тапшырығы верилиб».
Мәнбәмиз билдирир ки, әҝәр вәзијјәт бу шәкилдәдирсә, демәли, рәсми Бакы јенидән вәһабиләрин ҝениш фәалијјәтинә разылыг вермиш олур: «Бунун һансы формада фәсад јарадаҹағыны тәхмин етмәк белә чәтиндир». Демәли, һакимијјәтин вәһабиләрдән гидаланан ич груплашмасы јенә дә тамаһ наминә Азәрбајҹанын дөвләт марагларыны тәһлүкә алтында гојмагдан белә чәкинмәди.
Диггәт: Хәбәрдән истифадә етдикдә мәнбәјә истинад лазымдыр
