Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Республикасы рәһбәрләринин ҝетдикләри јолун нәһс сону олмасы барәсиндә Һәзрәт Ајәтуллаһ Мәкарим Ширазинин нәсиһәтли сөзләринин јајымланмасынын ардынҹа, Бакы медиалары бу нәсиһәтләри тәһдид кими јозублар.
АПА Информасија Аҝентлији ачыг-ашкар тәһрифдә билдириб ки, Иранын нүфузлу руһаниләриндән бири Гумда етдији чыхышы заманы Азәрбајҹана гаршы сәрт сөзләрдән истифадә едиб.
Бу аҝентлик "Иранлы Ајәтуллаһ Азәрбајҹаны тәһдид етди" башлыглы хәбәриндә Һәзрәт Ајәтуллаһ Мәкарим Ширазинин Азәрбајҹан Республикасында һиҹабла мүбаризә, шиә рәһбәрләрин һәбс олунмасы вә дини китабларын гадағасынын пис агибәти барәсиндә Азәрбајҹан Республикасы рәсмиләринә хатырлатдығы нәсиһәтләрини бу өлкәјә гаршы тәһдид сајыб.
АПА Информасија Аҝентлијинин бу тәһриф олунмуш хәбәри Бакынын диҝәр медиаларында да әкс олунуб.
Гејд етмәк лазымдыр ки, Һәзрәт Ајәтуллаһ Мәкарим Ширази Гум шәһәриндә хариҹ фигһ дәрсинин башланғыҹындакы сөзләриндә Әрәбистан, Бәһрејн вә Азәрбајҹан башчыларынын анти-ислам вә анти-шиә һәрәкәтләрини тәһлил етмәклә јанашы билдириб ки, мүсәлманлар бу өлкәләрин халгларына олунан зүлмләр гаршысында сүкут етмәјәҹәкләр.
Һәзрәт Ајәтуллаһ Мәкарим Ширази Азәрбајҹан Республикасы рәсмиләринә дә нәсиһәт вериб ки, аҹы вә нәһс агибәти нәзәрә алараг мүсәлман халга гаршы бу һәрәкәтләрдән әл чәксинләр
Диггәт: Хәбәрдән истифадә етдикдә мәнбәјә истинад лазымдыр
