Онун ганунсуз һәбсиндән 1 ил кечир
Дүз 1ил бундан өнҹә јанвар ајынын 7-си ахшам саатларында Азәрбајҹан Ислам Партијасынын сәдри Мөвсүм Сәмәдов һәбс олунду. Партијанын гәрарҝаһындан евә ҝедәркән һәбс олунан Мөвсүм Сәмәдовла бирҝә, Партијанын сәдр мүавини тәшкилати мәсәләләр үзрә сәдр мүавини Вагиф Абдуллајев дә сахланылды.
Әввәлҹә мәһкәмә онлара 10 сутка һәбс ҹәзасы верди.
9 ај сонра 7 октјабр 2011-ҹи илдә узун мәһкәмә чәкишмәсиндән сонра Азәрбајҹан Ислам Партијасынын (АИП) сәдри Мөвсүм Сәмәдов, онун гајыны Фирдовси Мәммәдрзајев, әмиси оғлу Дәјанәт Сәмәдов, партијанын сәдр мүавини Вагиф Абдуллајев вә Астара рајон тәшкилатынын сәдри Руфулла Ахундзадә, руһаниләр Сејјид Фәрамиз Аббасов вә Зүлфүгар Микајылзадә јә һөкм охунду. Һаким Елдар Исмајылов, Азәрбајҹан Ислам Партијасынын (АИП) сәдри Мөвсүм Сәмәдов 12 ил, Фирдовси Мәммәдрзајев 10 ил, әмиси оғлу Дәјанәт Сәмәдов 10 ил, партијанын сәдр мүавини Вагиф Абдуллајев 11 ил, Астара рајон тәшкилатынын сәдри Руфулла Ахундзадә 11 ил 6 ај, Сејјид Фәрамиз 11 ил азадлыгдан мәһрум едилиб. Зүлфүгар Микајылзадәјә исә 5 ил сынаг мүддәти олмагла 5 ил шәрти һөкм охуду.
Мәһкәмдән сонра һөкмлә әлагәдар ачыглама верән вәкил Анар Гасымлы һөкмү рәзаләт адландырды.
"Бу бир мәналы шәкилдә бөјүк рәзаләт вә Азәрбајҹанда әдаләтсизлијин тәнтәнәси иди. Ади бир епизоду сизә хатырладым. Бунунла да мәһкәминин неҹә һөкм вердијини өзүнүз характеризә един. Һөкмдә һаким охуду ки, мәһкәмә Мөвсүм Сәмәдовун һимајәсиндә азјашлы ушагларын олмасыны вә онун биринҹи дәфә мәһкумлуғуну јүнҝүлләшдириҹи һал кими нәзәрә алыр. Амма о, Мөвсүм Сәмәдова прокурорун тәләб еләдији ҹәзаны тәтбиг етди. Мараглыдыр ки, һаким бурада нәји нәзәрә алыб. Чох абсурд ситуатсијадыр"
Хатырладаг ки, исламчылары мүдафиә едәнләр һесаб едир ки, бу һәбсләр сијаси характерлидир вә әсасән јанварын 2-дә партијанын Баш Мәҹлисиндә Мөвсүм Сәмәдовун чыхышы илә бағлыдыр. 2007-ҹи илдә партија сәдри сечилән Мөвсүм Сәмәдов 2011-ҹи ил јанварын 2-дә Азәрбајҹан Ислам Партијасы Баш Мәҹлисинин иҹласында чыхыш едәрәк мәктәбләрдә һиҹаба гадаға гојулмасыны кәскин писләјиб вә һакимијјәтин үнванына сәрт иттиһамлар сәсләндириб.
Диггәт: Хәбәрдән истифадә етдикдә мәнбәјә истинад лазымдыр
