“Јалана, талана сөјкәнән, түрклүк шүуруна, бирлијинә хәјанәт ичиндә олан бир деспот рәһбәрлијин давам етмәсинә ҝөз јуммаг гардаш халгын зүлм алтында инләмәсинә разы олмаг демәкдир”
Түркијәнин танынмыш көшә јазарларындан олан Ҹаһит Кылыч Азәрбајҹан һакимијјәтинин Түркијәјә мүнасибәти мөвзусунда сәрт тәнгидләрлә долу мәгалә дәрҹ етдириб (һаберх.ҹом). Мәгаләни Азәрбајҹан түркҹәсинә ујғунлашдырараг, бәзи ихтисарларла тәгдим едирик:
Түркијә-Азәрбајҹан арасындакы хәјанәт мәркәзи
30 нојабр 2010 тарихиндә јаздығым бир јазыда, о заман јени ачыгланан “WикиЛеакс” сәнәдләриндән јола чыхараг, дост-дүшмән гаршысында пәрдәни дә чох галдырмадан, дипломатик бир диллә ашағыдакы гијмәтләндирмәни етмишдим:
- Ортаја чыханларын ичиндә дишә тохунасы бир-ики мөвзу әлә алына биләр. Бунлардан бири Илһам Әлијевин “Түркијәнин бејнәлхалг енержи мәркәзи олмасыны истәмәдик” демәсидир.ÿ
Илһам Әлијеви “дөвләт адамы” адландырмаг чәтиндир, атасы кими сијасәтин атәш хәттиндән кечмәјиб, гурдлар сүфрәсиндән сыјрылмајыб, ҝәләҹәји ҝөрмәк габилијјәти дә гејри-кафидир.
Бизә ҝөрә, дәрк етмәси лазым олан будур ки, Азәрбајҹан Совет Иттифагынын ишғалы алтындајкән дә Түркијә азад республика кими вар иди. Түркијә Азәрбајҹан олмадан да бејнәлхалг актјор иди вә бу актјорлуғу давам етдирәҹәк.ÿАзәрбајҹанын исә әһәмијјәтли бир актјор ола вә мүстәгил дөвләт кими ајагда гала билмәси үчүн һәр заман гардаш Түркијәнин дәстәјинә еһтијаҹы вар.ÿБуну төһмәт олсун дејә дилә ҝәтирмирәм, бу, ҝүнүмүзүн ҝерчәјидир.ÿБејнәлхалг сијасәт дә ҝерчәкләр үзәриндә гурулур.
Гулунуз бир Азәрбајҹан түркүдүр.ÿБу сәбәбдән ики гардаш өлкәнин әл-әлә, гол-гола ҝетмәсини, бејнәлхалг аренада бир-биринә гејд-шәртсиз дәстәк вермәсини башгаларындан бир аз даһа чох истәјирәм.ÿҺәтта даһа да ирәли ҝедәрәк, бир утопија белә олса, бу ики өлкәнин бир ҝүн бирләшмәсини хәјал етмәкдән белә, ҝизли һәзз алырам.
Амма...
Илһам Әлијев Азәрбајҹанын ҝәләҹәји үчүн бир шанссызлыгдыр
Илһам Әлијевдә һәмишә бир Түркијә гысганҹлығы һисс едирәм.ÿАзәрбајҹан телевизијаларында Түрк сериалларынын белә, Истанбул ләһҹәсилә јајымланмасыны гадаған едән, Түркијәјә һәр заман сојуг давранан, узагдан узаға тәкәббүр ҝөстәрән Илһам Әлијев Азәрбајҹанын ҝәләҹәји үчүн бир шанссызлыгдыр. Онун ики гардаш өлкәнин ҝәләҹәјинә даир бир бахышы јохдур. Даһа ачығы, о, Түркијәнин бүтүн ҹәһдләринә бахмајараг, “ики дөвләт, бир милләт” ифадәсинин тәкәринә чомаг сохмаг истәјән бири кими гаршымыза чыхмагдадыр. Ҝәләҹәјә ҝедән гардашларын автомобилинин тәкәринин өнүнә даш дијирләјир...
Үмид едирик вә истәјирик ки, Илһам Әлијев бу сәһв сијасәтиндән имтина едәр, ики өлкә әлагәләринин даһа исти һала ҝәлмәсинә төһфә верәр...
***
Фактлара сөјкәнән бу дәјәрләндирмә јазылмасындан 13 ај сонра - бу ҝүн дә доғрулуғуну вә һәтта тәзәлијини горујур.
Илһам Әлијевин Түркијәјә гаршы тутумунда һеч бир дәјишиклик мөвҹуд дејил.ÿ25 октјабр 2011-ҹи ил тарихиндә Измирдә атылан имзаја (газ анлашмасы нәзәрдә тутулур - ред.) сәбәб дә әрәб баһары јелинин Гафгазлара вә һәтта инди ҝөрүнүр ки, Орта Асија илә бирликдә Русијаја да доғру әсмәсидир.ÿЧох јахшы билинир ки, әҝәр бир Гафгаз баһары башлајарса, Илһам Әлијевин үзүнә бахаҹаг вә ону һимајәси алтына алаҹаг тәк өлкә Түркијә ола биләр.ÿТәкрар едәк: Измирә сәссизҹә вә гачараг ҝәлиб имза атмағын кәрамәти азадлыг күләкләринин титрәтдији дизләрдәдир...
Бу рәфтар нәдир?
Франса парламентиндә сахта ермәни сојгырымыны инкар етмәјә ҝөрә ҹәза нәзәрдә тутан ганунун гәбулу бизләр үчүн бәзи конкрет ҝерчәкләрин ортаја чыхмасына да сәбәб олду. Түркијә вар ҝүҹүјлә Франсанын гаршысында дураркән Азәрбајҹан рәһбәрлијиндән һеч сәс чыхмамасы чох мәналыдыр.ÿНә Милли Мәҹлис, нә дә Азәрбајҹан һөкумәти бир гынама мәтни белә јајымламады. Зурнанын сон дәлији сајыла биләҹәк бир-ики нәфәр ҹылыз етираз сәсләри чыхарараг, вәзијјәти өтүрмәјә чалышдылар.
Бүтүн дүнјанын билдији кими, ермәниләрин Азәрбајҹан торпагларыны ишғал етмәси вә вәзијјәти горуја билмәси үчүн архасындакы ән бөјүк биринҹи ҝүҹ Русија исә, икинҹи ҝүҹ Франсадыр.ÿҺал беләјкән, Франсаја гаршы дирәниш ҝөстәрмәси лазым олан Азәрбајҹан, әксинә, бәсирәтсиз бир дөвләт башчысынын әлилә вәзијјәти тәслимчилик нөгтәсинә ендириб. Онун һәјат јолдашы Франса-Азәрбајҹан парламентләрарасы достлуг групуна рәһбәрлик едир, Франсадан мүкафат алыр.ÿӘлијевсә бу фыртыналы ҝүнләрдә бир дә Франса илә әлагәдар бир меморандум имзалајыр...
Нә олду, бәс, биз бир милләт, ики дөвләт идик?! Түркијә Азәрбајҹанла әлагәдар һеч бир фәдакарлыгдан әсла чәкинмәзкән, Азәрбајҹандакы бу рәфтар нәдир?
Бурада бир һашијә чыхмаг истәјирәм. 1997 вә ја 1998-ҹи ил иди.ÿҺејдәр Әлијев Түркијәдә вердији бир мүсаһибәдә белә демишди: “Түркијә чох бөјүк бир дөвләтдир.ÿМилјард долларлыг ширкәтләриниз, милјардларла долларлыг јатырымларыныз, он милјардларла долларлыг бүдҹәниз вар.ÿБизим исә Түркијәнин јанында сөзү белә едилмәјәҹәк гәдәр кичик бир бүдҹәмиз вар.ÿҸәми-ҹүмләтаны 650 милјон доллар”.
Гејдләри јәгин ки, телевизија архивиндә дурур, истәјән ахтарыб тапар.
Јохса Франса банкларында бир нечә милјард доллар јатыр?..
Арадан 13-14 ил кими гыса бир заман кечмиш олмасына бахмајараг, бу ҝүн Илһам Әлијев вә јахын әтрафындакыларын һәр биринин 6-7 милјард долларлыг ширкәтләринин олдуғуну билмәјән јохдур.ÿБу пулларын гајнаглары нәләрдир, һарадан ахыр бу Араз вә Күр гәдәр пул?
Бејтүлмалын талан едиләрәк башда аиләјә вә (вә ја) аиләнин ән јахынындакылара олмагла, дағыдылан пуллардан һеч олмаса, бир мигдары илә Авропа вә Америкада ҝүҹлү бир ермәни әлејһдары лобби гурмаг олмазмы?ÿБир-ики милјард доллара фашист Патрик Девежијана гаршы нечә франсыз сијасәтчи сатын ала биләрсиниз...ÿСијасәтдә сатын алынаҹаг чох адам вар. Инанмырларса, әтрафларындакы сатылмышлара бахсынлар.
Милјонларла долларын көчүрүлдүјү “Һејдәр Әлијев Фонду” Әлијев аиләсинин хүсуси тәјјарәләрлә орада-бурада ҝәзинти вә парылтылы јығынҹагларынамы хидмәт едир јалныз?
Јохса Франса банкларында аиләјә аид ҝизли һесабларда бир нечә милјард доллармы јатыр?
Бу о демәк дејил ки, Түркијә Әлијевләрә бојун әјәҹәк...
Бакыдакы Түркијә сәфирлији вә әлагәдар аташе бүтүн бунлары ҝөрмүрмү? Бизим ҝөрмәдијимиз даһа нә гәдәр интригалары, инсан һүгуг вә азадлыгларынын һә
