Әһли Бејт -АБНА- хәбәр аҝентлијинин вердији хәбәрә әсасән: Гурумун мәтбуат хидмәтиндән “Медиа форум” сајтына дахил олан хәбәрә ҝөрә, Ҹинајәт вә Инзибати Хәталар мәҹәлләләринә әлавә вә дәјишикликләрин олунмасы дини дурумдакы мөвҹуд реаллыглардан гајнагланыб: “Арашдырмалар ҝөстәрир ки, бу саһәдә баш верән ганун позунтулары бир чох һалларда ејни дини иҹмалар вә шәхсләр тәрәфиндән тәкрарланыр. Һәтта бәзи мәгамларда һәмин дини гурумлар вә шәхсләр биләрәкдән ганунвериҹилијин тәләбләрини позараг дини тәблиғат апарыр, зәрәрли дини әдәбијјат јајырлар. Мүвафиг дөвләт гурумлары бунунла бағлы лазыми тәдбирләр ҝөрдүкдә исә кичик мәбләғдә олан ҹәримәләри өдәмәклә кифајәтләнирләр.
Бу бахымдан әминликлә демәк олар ки, дини фәалијјәт саһәсиндәки ганунвериҹилик базасынын тәкмилләшдирилмәси һәм зәрәрли дини әдәбијјатын јајылмасынын, һәм дә ганунсуз дини тәблиғатын апарылмасынын гаршысынын алынмасында, еләҹә дә дини дурумда ҝедән просесләрин даһа да шәффафлашмасында өнәмли рол ојнајаҹаг”.
Декабрын 12-дә президент Илһам Әлијев Инзибати Хәталар Мәҹәлләсинә дәјишикликләри тәсдигләјиб. Мәҹәлләјә едилмиш дәјишикликлә иҹра һакимијјәти органы илә разылашдырылмадан вәтәндашларын дини тәһсил мүәссисәләриндә тәһсил алмаг үчүн хариҹә ҝөндәрилмәси, дин хадимләринин мүбадиләси, ислам дининә аид ајин вә мәрасимләри Азәрбајҹандан кәнарда дини тәһсил алмыш вәтәндашларын һәјата кечирмәси гадағандыр.
Һәмин ҝүн президент Илһам Әлијев Ҹинајәт Мәҹәлләсинә јениликләри дә имзалајыб. Ҹинајәт Мәҹәлләсинә әлавә едилән јени маддәјә ҝөрә, ганунсуз олараг дини тәјинатлы әдәбијјаты, әшјалары вә дини мәзмунлу башга мәлумат материалларыны истеһсал етмә, идхал етмә, сатма вә ја јајма беш иләдәк мүддәтә азадлыгдан мәһруметмәни нәзәрдә тутур. ("Медиа форум")
Әксәр експертләрин ҝәлдији гәнаәт будур ки, һазыркы дәјишикликләрун тәшәббүскары мәһз Дини Гурумларла Иш үзрә Дөвләт Комитәсидир. Тәәссүф ки, адыҝедән Комитә дини етигад азадлығынын, инсан һагларынын вә азадлыгларынын тәмини илә мәшғул олмаг әвәзинә, ҝүнү-ҝүндән сәртләшдирилән ганунвериҹи нормаларын тәшәббүскары кими чыхыш едир. Тәбии ки, дини мүһитдә ҝедән просесләри тәнзимләмәкдәнсә, әсассыз вә гејри-елми сәртләшдирмәләри апармаг гат-гат асандыр вә әфсус ки, Дини Комитә өз фәалијјәтини мәһз бу јөндә апарыр. ДГИДК мәсулларына чохларындан даһа јахшы бәллидир ки, демократик топлумларда дөвләт гурумларынын әсас гајәси - инсан һүгуг вә азадлыгларынын тәминидир вә бунун әкси - "тәнзимләмә" ады алтында ганунвериҹилијин ҝүнү-ҝүндән сәртләшдирилмәсидир. Лакин, ҝөрүнүр Комитә мәсулары даһа асан вә даһа аз сорумлулуг потенсиалы олан јола үстүнлүк вермәкдәдирләр. Лакин, бу сечимин перспективсизлији, әслиндә контр-продуктивлији һәр кәсә, о ҹүмләдән, Комитә мәсулларына јахшы бәллидир.
Диггәт: Хәбәрдән истифадә етдикдә мәнбәјә истинад лазымдыр
